sitelen Pekin Pa
sitelen Pekin Pa (toki Inli la: Breaking Bad, "kama ike pi wile utala") li sitelen tawa pi jan Win Kilikan(?). ona li pali e ni tawa kulupu Mewika Owije Lasi(?) (toki Inli la: American Movie Classics). sitelen tawa li jo e kipisi 62. tenpo sike nanpa 2008 la, sitelen Pekin Pa li open. tenpo sike nanpa 2013 la, ona li pini.
sitelen Pekin Pa la, jan Wata Wa li jan pi pana sona li jan pi sona ijo. ona li jo e suli ike lon poki kon(?). tenpo pini la, jan Sesi Piman li jan kama sona pi jan Wata. jan Wata en jan Sesi li pali e kiwen kon nasa tan ni: jan Wata li moli la, kulupu mama pi jan Wata li jo e mani. ma tomo Apakeki(?) li ma pi sitelen Pekin Pa.
nasin tawa
[o ante | o ante e toki ilo]kipisi nanpa wan
[o ante | o ante e toki ilo]jan Wata Wa li jan pi pana sona li jan pi sona ijo. tenpo sike nanpa 50 la, ona li lon. ona li lon ma tomo Apakeki pi ma Numesiko. jan Wata li pona e tomo tawa. jan Kala Wa li jan olin pi jan Wata. jan Kala li jan mama insa(?). jan Wata Wa lili li jan lili pi jan Wata. ona li ken ala(?). jan Wata li pilin ike. ona li kama sona e ni: ona li jo e suli ike lon poki kon.
tenpo pini la, jan Sesi Piman li jan kama sona pi jan Wata. ona en jan Wata li tawa lon ma pi telo lili. ona mute li pali e kiwen kon nasa lon tomo tawa. kiwen nasa pi jan Wata li pona mute. kiwen nasa pi jan ali li pona lili. ona li wile esun e ni. esun la, jan Wata li jo e nimi jan Asape (toki Inli la: Heisenberg).
jan Wata en jan Sesi li lanpan e poki pi ijo Mesalamin(?). ona li kepeken e ni tawa pali pi kiwen nasa. kiwen nasa ni li laso. ona li pana e kiwen nasa tawa jan Tuko Salamaka. jan Tuko li pana e mani tawa ona li esun e kiwen ni tawa jan ante. jan Anka Seta li jan olin pi jan Mili Seta. jan Mili li jan sama pi jan Kala Wa. jan Anka li lon kulupu pi utala e ijo nasa(?) (toki Inli la: Drug Enforcement Administration). esun pi kiwen nasa la, ona li pilin ike.
kipisi nanpa tu
[o ante | o ante e toki ilo]jan Tuko li wile e ni: jan Wata en jan Sesi en jan Tuko li tawa lon ma Mesiko. jan Wata en jan Sesi li wile ala e ni. ona li tawa weka. jan Anka li alasa e jan Sesi. jan Anka li kama tawa jan Tuko. ona li moli e jan Tuko.
jan Wata en jan Sesi li pali e kiwen nasa mute. jan Sesi li pana e ni tawa jan pona ona. jan ni li esun e kiwen nasa tawa jan ante. jan pi kulupu pi utala e ijo nasa li lanpan e jan pona pi jan Sesi. jan So Kuman li jan pi lipu lawa. ona li toki e ni: jan pona pi jan Sesi Piman li pali ala e ike.
jan Kutapo Pin anu jan Ko Pin li jan lawa pi kulupu esun Lo Pojo Emano (toki Epanja la: Los Pollos Hermanos). kulupu ni li esun e moku. taso jan ali li sona ala e ni: kulupu ni li esun e ijo nasa. jan Ko Pin li esun e kiwen nasa ali pi jan Wata.
jan Kala Wa li pilin e ni: jan Wata li olin e jan meli ante. jan Sen Makoli li jan olin pi jan Sesi Piman. ona li moku e ijo nasa mute. ona li kama moli. jan Wata li ken pana e pona tawa ona. taso jan Wata li pali ala e ni. jan Sen li moli.
jan Tana Makoli li jan mama pi jan Sen. ona li pana e pona tawa tomo tawa lon kon. jan Sen li moli la, jan Tana li pilin ike mute. ona li ken ala pana e pona tawa tomo tawa lon kon la, tomo tawa tu li utala li anpa. jan mute li moli.
kipisi nanpa tu wan
[o ante | o ante e toki ilo]jan Ko Pin li jo e tomo anpa ma. jan Wata en jan Ke Pesika li pali e kiwen nasa mute lon tomo ni. jan Sesi li wile moku ala e ijo nasa. jan Sesi li wile pali e ijo nasa. jan Sesi li ike mute tawa jan Ko Pin.
jan Ko Pin li wile e ni: jan Wata li pana e sona tawa jan Ke Pesika. jan Ke li ken pali e kiwen nasa la, jan Ko Pin li moli e jan Wata. jan Wata li toki tawa jan Sesi e ni: o moli e jan Ke. jan Sesi li moli e jan Ke. jan Ko Pin li ken ala moli e jan Wata tan ni: jan Wata taso li ken pali e kiwen nasa.
kipisi nanpa tu tu
[o ante | o ante e toki ilo]jan Wata en jan Sesi li pali e kiwen nasa tawa jan Ko Pin. jan Ke li moli la, jan Anka Seta li pilin e ni: jan Ko Pin li esun e kiwen nasa. jan Ko Pin en jan Ma Emata en jan Sesi li moli e jan pi kulupu pi esun ijo nasa(?) lon ma Mesiko. jan Ko Pin li wile e ni: jan Sesi li pali e kiwen nasa la, jan Ko Pin li moli e jan Wata.
jan Ante Kansijo li jan olin pi jan Sesi. ona li jo e jan lili. jan Wata li pana e ike tawa jan lili ni. ona li toki tawa jan Sesi e ni: jan Ko Pin li pana e ike tawa jan lili. jan Wata en jan Sesi li moli e jan Ko Pin.
kipisi nanpa luka
[o ante | o ante e toki ilo]jan Wata en jan Ma en jan Sesi en jan To Akawi li pali e kiwen nasa li esun e kiwen nasa. jan Ma en jan Sesi li toki tawa jan Wata e ni: mi mute li wile ala pali e kiwen nasa. jan Wata li pali ala e kiwen nasa tan ni: ona li jo e mani mute.
jan Anka li pilin e ni: jan Asape li jan Wata. jan Sesi li kama sona e ni: jan Wata li pana ike tawa jan lili pi jan Ante. jan Anka en jan Sesi li wile pana e ike mute tawa jan Wata. jan To en kulupu ona li tawa jan Wata. ona mute li moli e jan Anka e jan pona pi jan Anka . ona mute li lanpan e mani pi jan Wata e jan Sesi. ona mute li toki e ni tawa jan Sesi: sina pali ala e kiwen nasa tawa mi mute la, mi mute li moli e jan Ante e jan lili pi jan Ante.
jan Wata li ike mute tawa kulupu mama ona. jan Wata li kama jo e nimi sin. ona li tawa lon ma Nuwanse. ona li wile moli e kulupu pi jan To. jan Wata li tawa lon ma tomo Apakeki li moli e kulupu pi jan To. jan Sesi li kama jo e ken tan jan Wata. jan Wata li moli tan ni: ona li moli e kulupu pi jan To la, ilo utala li pakala e ona.
jan lawa
[o ante | o ante e toki ilo]| jan | jan lon sitelen Pekin Pa |
|---|---|
| jan Pajan Katan | jan Wata Wa |
| jan Elan Po | jan Sesi Piman |
| jan Ana Kon | jan Kala Wa |
| jan Sin Noli | jan Anka Seta |
| jan Pesi Pa | jan Mili Seta |
| jan Asi Misi | jan Wata Wa lili |
| jan Pa Otake | jan So Kuman |
| jan Sankalo Episito | jan Kutapo Pin anu jan Ko Pin |
| jan Sonasan Pa | jan Ma Emata |
| jan Lola Pesa | jan Lisija Lotasi Ke |
| jan Sesi Pema | jan To Akawi |
sitelen sama
[o ante | o ante e toki ilo]sitelen Pekin Pa li jo e kipisi lili 5. sitelen tawa Metatasi pi ma Kolonpija li sama sitelen tawa Pekin Pa. sitelen Tokin Pa (toki Inli la: Talking Bad) la, jan pali en jan musi li toki e pilin ona tawa sitelen tawa Pekin Pa.
jan Sesi li kama jo e ken la, sitelen tawa E Kamino(?) li lon. tenpo pini pi sitelen tawa Pekin Pa la, sitelen tawa Peta Ko So(?) pi jan Ike Ilikan(?) li lon.