sitelen Katakana

sitelen Katakana (toki Nijon la: 片仮名, カタカナ [katakaꜜna, kataꜜkana]) li sitelen pi toki Nijon.

sitelen Katakana li kipisi pi sitelen Kansi la, nimi Katakana li "sitelen Kana kipisi". kalama pi sitelen Katakana li sama kalama pi sitelen Ilakana.

jan li kepeken sitelen Katakana lon ni:

• nimi li kama tan toki ante.
• nimi li wawa lukin.
• nimi li toki jan ala.
• wile nimi li kiwen. lipu pi nasin sona li kepeken mute e nimi ni.

supa sitelen

supa pi sitelen Katakana a i u e o (ala) ア イ ウ エ オ k- カ キ ク ケ コ s- サ シ ス セ ソ t- タ チ ツ テ ト n- ナ ニ ヌ ネ ノ h- ハ ヒ フ ヘ ホ m- マ ミ ム メ モ y- ヤ (ala) ユ (ala) ヨ r- ラ リ ル レ ロ w- ワ ヰ (ala) ヱ ヲ ン (n)

sitelen Katakana li jo e kalama open luka: ア (a), イ (i), ウ (u), エ (e), オ (o). supa ni la, kalama open li open lon leko monsi li pini lon leko sinpin.

sitelen Katakana li jo e kalama luka tu tu pi open ala. kalama pi open ala li ken weka kin la, kalama luka luka li lon. supa ni la, kalama pi open ala li open lon leko sewi li pini lon leko anpa.

ni la, nimi supa li supa Kosujon (toki Nijon la: 五十音, "kalama mute mute luka luka").

kalama Yi en kalama Ye en kalama Wu li jo ala e sitelen wan. tenpo pini la, jan li kepeken e sitelen mute ante. tenpo ni la, jan li kepeken ala e kalama ni e sitelen ni.

mute la supa li jo kin e sitelen ン (n). ona li ken lon mute: ona li ken lon sinpin pi kalama N, li ken lon anpa pi kalama U, li ken lon sinpin pi kalama ala pi open ala, li ken lon anpa pi kalama A. supa ni la ona li lon anpa ale.

nasin pi supa Kosujon li kama tan toki Sankita.

toki Nijon

supa pi sitelen Katakana lon toki Nijon a i u e o (ala) ア イ ウ エ オ k- カ キ ク ケ コ g- ガ ギ グ ゲ ゴ s- サ シ ス セ ソ z- ザ ジ ズ ゼ ゾ t- タ チ ツ テ ト d- ダ ヂ ヅ デ ド n- ナ ニ ヌ ネ ノ h- ハ ヒ フ ヘ ホ b- バ ビ ブ ベ ボ p- パ ピ プ ペ ポ m- マ ミ ム メ モ y- ヤ (ala) ユ (ala) ヨ r- ラ リ ル レ ロ w- ワ ヰ (ala) ヱ ヲ ン (n)

toki Nijon la, ヰ (wi) en ヱ (we) li sama イ (i) sama エ (e) la, jan li kepeken ala e sitelen Wi li kepeken ala e sitelen We. kalama ヲ (wo) kin li sama オ (o). taso jan li awen kepeken sitelen Wo lon nimi wan. mute a la jan li kepeken sitelen Ilakana lon nimi ni li kepeken ala sitelen Katakana.

jan li wile jaki e kalama la, jan li kepeken linja tu (゛). nimi linja li sitelen Takuten (toki Nijon la: 濁点). jan li wile jaki ante e kalama la, jan li kepeken sike lili (゜). nimi sike li sitelen Kantakuten (toki Nijon la: 半濁点).

sitelen Y lili (ャ, ュ, ョ) li ken lon sinpin pi sitelen I. sitelen I o jo e kalama pi open ala. ni la, kalama open pi sitelen I li kama weka. キャ (ki + ya) → kya. ni li nasin Jojon (toki Nijon la: 拗音).

sitelen Tsu lili li ken tu e kalama pi open ala. nimi ona li sitelen Sokujon (toki Nijon la: 促音). jan li kepeken ni lon nimi mute pi toki Nijon ala: nimi Bed /bɛd/ pi toki Inli li kama ベッド (beddo). sitelen Sokujon li ken kin lon pini nimi. ni la, ona li kalama pini pi monsi ale. sitelen Sokujon li ken ala tu e kalama N la, jan li kepeken ン (n). jan li wile e kalama pi toki Nijon ala la, jan li ken kepeken kin e sitelen Sokujon: nimi Bach /bax/ pi toki Tosi li kama バッハ (bahha).

kalama open li tu lon nimi pi toki Nijon la, sitelen Katakana li kepeken sitelen pi kalama open taso sama sitelen Ilakana. taso, nimi li kama ala tan toki Nijon la, jan li kepeken palisa. nimi palisa li sitelen Sojonpu (長音符). open pi sitelen Sojonpu en pini ona li sama open pi sitelen ale li sama pini ona. nimi lili pi toki Nijon la, jan li kepeken sitelen Sojonpu: 携帯 (ilo nanpa lili) li ケータイ (kētai).

ヽ en ヾ li tu e kalama wan. kalama ヾ la, kalama nanpa tu li jo e sitelen Takuten.