sitelen Kanan
sitelen Kanan (toki Kanan la: 𐤊𐤍𐤏𐤍) li sitelen pi tenpo pini. ni la, jan ala li kepeken ona lon tenpo ni.
jan li kepeken e ona lon ma mute. supa pi ma majuna li sama ma ni pi tenpo ni: ma Lunpan en ma Sulija en ma Isale. jan li kepeken ona la jan li sitelen e toki Kanan e toki Alamaja. poka la tenpo suli luka pi jan Jesu ala en tenpo suli luka luka tu wan pi jan Jesu ala li tenpo pi kepeken sitelen ni. ni la, nasin ni li ante li mama e sitelen Elina majuna.[nimi] a la, sitelen Iwisi en sitelen Alapi en sitelen Lasina en sitelen Tewanakali[1] li tan ona.
jan li kepeken e palisa tawa sitelen e sitelen Kanan. ni la, sitelen mute li leko.[nimi]
sitelen lili
[o ante]sitelen ni en sitelen Lasina li ante tan ni: open sitelen en pini sitelen li ante.[2]
sitelen Kanan li jo e sitelen mute tu la, sitelen ale li kalama pi uta pini.
sitelen ni la, sitelen pi uta pini li lon taso. ken ala la, kalama pi uta open li sitelen.[3] taso, kulupu jan Elina li ante e ona lon kama li pana kin[nimi] e sitelen pi kalama open.
anpa la sina ken lukin e sitelen Kanan lili ale li ken kama sona e kalama ona e kon ona. o sona e ni: sitelen lon anpa li pona mute. taso, lon la, sijelo pi sitelen lili li ante tan sitelen luka. ken la, ilo sina ken ala sitelen e sitelen Kanan. ni la, sitelen sona lon anpa li jo kin e sitelen SVG pi sitelen lili.
| sijelo sitelen | nimi lon sitelen Lasina | kon | sitelen Lasina en kalama | |
|---|---|---|---|---|
| tan ilo | sitelen | |||
| 𐤀 |  |
ʾālep | (lawa pi) soweli mani | ʾ [ʔ] |
| 𐤁 |  |
bēt | tomo | b [b] |
| 𐤂 |  |
gīml | palisa alasa (anu soweli pi jo telo) | g [ɡ] |
| 𐤃 |  |
dālet | lupa (anu kala) | d [d] |
| 𐤄 |  |
he | lupa lukin | h [h] |
| 𐤅 |  |
wāw | ilo lili pi alasa kala | w [w] |
| 𐤆 |  |
zayin | ilo utala | z [z] |
| 𐤇 |  |
ḥēt | ma kasi tomo (anu sinpin) | ḥ [ħ] |
| 𐤈 |  |
ṭēt | sike | ṭ [tˤ] |
| 𐤉 |  |
yod | luka | y [j] |
| 𐤊 |  |
kāp | supa luka | k [k] |
| 𐤋 |  |
lāmed | ilo pi tawa soweli | l [l] |
| 𐤌 |  |
mēm | telo | m [m] |
| 𐤍 |  |
nūn | akesi linja (anu kala) | n [n] |
| 𐤎 |  |
śāmek | palisa suli kiwen | ś [s] |
| 𐤏 |  |
ʿayin | lukin | ʿ [ʕ] |
| 𐤐 |  |
pē | uta (anu poka sinpin) | p [p] |
| 𐤑 |  |
ṣādē | kasi pi pana lipu (anu ilo lili pi alasa kala) | ṣ [sˤ] |
| 𐤒 |  |
qōp | lupa pi ilo len | q [q] |
| 𐤓 |  |
rēs anu reš | lawa | r [r] |
| 𐤔 |  |
šīn | kiwen uta (anu suno) | š [ʃ] |
| 𐤕 |  |
tāw | sitelen | t [t] |
poka la, sitelen Kanan li jo e ken pi sitelen nanpa. sitelen e wan la, jan li sitelen e linja wan: 𐤖. jan li wile sitelen e nanpa pi mute sin la, ona li pana e linja sin. ona li wile sitelen e nanpa luka luka (10), ona li sitelen e 𐤗 (ni li lukin sama nena leko). nanpa mute (20) li jo e sijelo mute. ni li nasin wan: 𐤘. ona li lukin sama nena leko tu lon kulupu. nasin mute a pi sitelen wan ale[nnp] li lon. ken la, ona lukin sama ni: 𐤙. nanpa ala (0) li lon ala. o lukin:
| nanpa | sitelen |
|---|---|
| 1 | 𐤖 |
| 10 | 𐤗 |
| 20 | 𐤘 |
| 100 | 𐤙 |
ijo pini en sitelen pi kama tan
[o ante].jpg)
jan sona pi tenpo ni li kama sona e sitelen Kanan la, ona li sona ala e mama pi sitelen ni.[4] jan li kama sona e kon pi sitelen toki pi ma Kuma lon tenpo pini lili. ni la, ona li pilin e ni: ken la, sitelen ni li kama tan sitelen toki pi ma Kuma. jan sona ante li toki ni: ken la, sitelen Kanan li kama tan sitelen ko pi tenpo pini. ken la, ona li jo ala e mama. taso, tenpo ni la, jan li sona e ni: ona li kama tan sitelen mama Kanan tan sitelen toki pi ma Kuma kin.[5][6]
sitelen mute pi ma ale li kama tan sitelen Kanan. sitelen Lasina en sitelen Kililisa en sitelen Katelo en sitelen Aja li kama tan sitelen Elina. sitelen Elina li kama tan sitelen Kanan. a la, sitelen Kanan li mama e sitelen Alamaja. sitelen Alamaja li mama e sitelen Alapi e sitelen Iwisi.
tan sona
[o ante]- ↑ Monnier Williams, Sanskrit English Dictionary.
- ↑ Cross, Frank Moore (1980). "Newly Found Inscriptions in Old Canaanite and Early Phoenician Scripts". Bulletin of the American Schools of Oriental Research.
- ↑ Fischer, Steven R. (2004). A History of Writing. London: Reaktion.
- ↑ Jensen, Hans (1969). Sign, Symbol, and Script.
- ↑ Charles R. Krahmalkov (2002). Beyond Babel: A Handbook for Biblical Hebrew and Related Languages.
- ↑ Howard, Michael C. (2012). Transnationalism in Ancient and Medieval Societies: The Role of Cross-Border Trade McFarland.