sinpin lupa

sinpin lupa anu lupa taso li sinpin lon lupa pi sinpin tomo, li ken tawa (li “open” li “pini”). ona li open la, jan anu ijo sama li ken tawa insa anu tawa weka. ona li pini la, jan ni anu ijo sama li ken ala ni. kepeken nanpa wan pi sinpin lupa li ni: ona li awen e jan lon insa tomo, tan lawa ona lon ni: jan seme anu ijo seme li ken kama? mute la, sinpin lupa li ken lon tomo, anu lon insa tomo, anu lon tomo tawa. sinpin lupa li open la, ona li ken tawa sike tawa insa anu tawa insa ala, li ken tawa poka, li ken tawa sewi, li ken tawa anpa, li ken tawa sike lon meso.