sike lili kon li lon telo moku lete
sike lili kon li ken lon telo moku lete. ni li ken tan jan, li ken tan ala jan.
seme la ni li ken
[o ante | o ante e toki ilo]
telo H2O en kon CO2 li lon la, wawa li lon poka ale ona la, ona li kama wan, li kama telo wan pi kule ala. wawa li pini lon la, ona wan li open kama tu, la telo mute en kon lili li lon. kon lili li lon telo la, ona li kama sike lili, la sike lili kon mute li awen kama lon. kon ale li weka tan telo la, sike lili li pini kama lon. telo li kama tan nena ma. nena ma ni li lon: ona li pana e telo la kon li lon telo ona. taso, nena li pana e telo pi kon ala la, jan li ken pana e kon tawa ona. nena ma ni en nena ante li pana e telo kon: nena Lotopi lon ma Pokalija, en nena Mesilija lon ma Maketonija, en nena Tanusu lon ma Tosi. jan li ken pana e kon tawa telo moku ante la ni li ken pona tawa jan. telo pi lipu kasi li ken jo e kon. telo nasa pan jelo li jo e kon CO2, taso ona li ken jo e kon N2 kin. telo kili suwi li ken jo e kon. jan li ken pana e kon tawa telo mute lon tomo pali suli kepeken ilo suli, li ken pana e kon tawa telo lili lon tomo jan kepeken ilo lili.
seme la jan li kepeken telo ni
[o ante | o ante e toki ilo]
jan li ken wile pana e selo pan tawa moku. jan li pali e pan kepeken telo kon la, sike kon li awen lon pan. jan li ken pana e kon tawa pan kepeken soko lili kin. jan li ken wan e telo kon e telo pi sona nasa. ni li ken pona tawa jan. jan li ken weka e kule jaki tan len sijelo kepeken telo kon.