sijelo jan

ijo mute pi sijelo jan li sama sijelo pi soweli ali. taso ijo mute lili li ante.

soweli mute li jo e noka tu tu. taso jan li ante. ona li jo e noka tu e luka tu. jan li tawa lon noka tu ona. taso jan li ken tawa kepeken luka kin.

lawa jan li wawa. jan li ken pali e ijo mute kepeken lawa ona: ona li ken toki li ken wile sona li ken pilin. jan mute li pilin e ni: jan li kama tan jan sewi wawa li jo e kon nasa. jan li ken toki e pilin ona lon toki musi.

linja selo jan li pimeja anu jelo anu loje. jan li kama suli mute la linja ona li kama walo pimeja anu walo. linja mute li lon lawa jan li lon anpa pi sewi luka jan, li lon kipisi sijelo unpa lon poka pi sewi noka. jan mute li jo e linja ala lon lawa. jan mute li weka e linja tan sijelo ona. jan mute li ken ala jo e linja lon sewi lawa.

lukin jan li pimeja anu laso anu jelo anu kule ante mute.

selo jan li ken pimeja anu walo.

tenpo pini

tenpo pini la jan li lon ma mute pi sama ala. tan ni la sijelo ona li ante. jan li lon ma pi suno mute la selo ona li kama pimeja tan ni: suno mute li ike tawa selo walo li ken pakala seli e ona. jan li lon ma pi nena suli la insa ona pi poki kon li kama ken alasa wawa e ijo pona tan kon.

tenpo ni la jan li ken lon ma ali. ma pi telo ala en ma pi telo mute en ma pi lete mute en ma pi seli mute en ma tomo mute la jan li ken lon li ken kulupu li ken wawa. jan li ken ante e ma

namako sijelo

jan en soweli li ante tan ni: jan li len e sijelo ona. kin la jan li pini anu weka e linja ona.

jan li ken ante e sijelo ona. jan mute li jo e ijo namako lon nena kute ona.