pipi Ansopila

pipi Ansopila li alasa e telo kasi suwi.

pipi Ansopila anu pipi Apipome (toki Lasina: Anthophila, Apiformes) li pipi. pipi Ansopila li lon. tan ni la, lipu ni li toki e pipi Ansopila ale.

tenpo mute la, jan li toki e pipi Ansopila la ona li wile toki e pipi Api Melipela (toki Lasina: Apis Mellifera). jan mute li sona e ona. ona li pana e ko suwi mute.

sijelo

pipi ni li jo e sijelo lili. ona li jo e suli Milimeta 10. ken la, ona li jo e suli Milimeta 1.5. kin la, pipi Mekakile Puto (toki Lasina: Megachile Pluto) li jo e suli Milimeta 40.

pipi jelo pimeja pi ko suwi li jo e ijo sijelo tu wan. ona li jo e ilo pi tawa kon tu tu. pipi jelo pimeja mute (taso: pipi jelo pimeja ale ala) li jo e palisa utala.

moku

tenpo mute la, ona li moku e telo kasi suwi. kin la, ona li moku e ko kasi. pipi jelo pimeja mute li poki e moku tawa tenpo kama. ante la, jan li moku e pipi ni lon ma mute. ona li ken moku e pipi jelo pimeja e pipi jelo pimeja lili.

ko suwi

[[sitelen:{{{sitelen}}}|22x22px|link=]] o lukin e nimi ni lon lipu nimi: [[nimi:]]

pipi jelo pimeja mute li pali e tomo pipi, e kulupu pipi. ona li pali e ko suwi tawa pipi lili ona. taso, tenpo mute la, jan li kepeken e ko suwi. jan li pali e ni la, ona li jan pi pipi pi ko suwi.