kon mun

sitelen sona pi ante pi kon ma tawa sewi pimeja

kon mun li kon lon. kon lon ni li weka tan selo kon pi ma mi, li lon meso pi mun tu. mute ijo li lili lon kon mun, sama ni lili: ijo ala a li lon. lon ni la, nasin ijo nanpa wan li kon wawa^(?). jan li sona e ni: ijo ante suli li lon, li ijo pimeja nasa^(?). taso, jan li sona lili e ijo ni. pimeja mun li lete mute mute. lete ni li Kewin 2,7 li Sesiju −270,45. sona mun la, jan li alasa sona e kon mun.

jan mute li pilin ante tawa toki ni: kon mun li open lon seme? linja pi jan Kaman la, kon mun li open lon sewi km 100 lon kon ma tawa telo suli. kulupu nanpa 20 pi tenpo sike 100 la, jan li open pana e ilo tawa kon mun. ni li tawa ni: ona li kama sona e mun. jan mute li kepeken kon ni. tenpo sike nanpa 1961 la, jan Juli Kakalin li kama jan tawa nanpa wan lon kon mun.

ike la lipu ni li lili. sina wile pona e ona la sina ken suli e ona.