pali:tawa lipu

nimi “ma Juwese” li tawa lipu “ma Mewika” lon lipu Wikipesija

ilo toki sona la nimi “ma Juwese” li tawa lipu “ma Mewika” lon lipu Wikipesija

tawa lipu li lipu li pana e jan tawa lipu ante. mute la lipu ni li lipu wan anu kipisi lipu. sina ken lukin e ni lon lipu “ma Juwese.” jan li pilin e nimi “ma Juwese” lon leko alasa lon toki lipu la jan li tawa lipu “ma Mewika.” tawa ni la sina ken lukin e toki pi tawa ni lon sewi lipu. (ilo toki sona la toki ni li lon anpa lon leko pimeja) toki ni li (tan nimi “ma Juwese”). toki li tan ni: lipu “ma Juke” li jo e toki pi tawa lipu li tawa lipu wile. ken la lipu li tawa kipisi pi lipu wile.

tawa lipu li tan ni: jan li ken alasa e lipu wile kepeken tenpo mute ala. lipu ni li toki e ni: sina wile pali e tawa lipu la sina kepeken seme?

wile pi tawa lipu li seme?

wile pali pi tawa lipu en wile awen pi tawa lipu la ni li ken:

• nimi ante li tawa nimi pi suli mute. ni la nimi “jan Simi Tanasan” li tawa lipu “jan Mitapi.”
• nimi sin anu nimi pi sama mute. ni la nimi “majuna” li tawa lipu “tenpo pini.”
• nimi li lili li suli ala tawa jan, taso nimi li tawa jan wan. ni la nimi “jan Ansan” li tawa lipu “jan Ape Ansan.”
• nimi li lili pi nimi ijo. ni la nimi “sitelen IPA” li tawa lipu “sitelen Apije.”
• nimi li mute pi nimi ijo. ni la nimi “jan Okan Amateju Mosa” li tawa lipu “jan Mosa.”
• nimi li jo e nasin mute. ni la nimi “ali” li tawa lipu “ale.”
• nimi li lon toki pona la nasin mute li kama. ni la nimi “jan Alisotele” li tawa “jan Alitotele.”
• nimi li kepeken nasin pu, taso nimi wile li ante. ni la nimi “ma Ekato” li tawa lipu “ma Ekuwato.”
• nimi li kepeken wuwojiti. ni la nimi “ma Sawusi” li tawa lipu “ma Sajusi.”
• nimi li tenpo pini li lon ala. ni la nimi “jan Sonja” li tawa “anpa sewi.”

sina pali e tawa lipu kepeken seme?

sina ante e toki ilo la,

sina wile pali e tawa lipu kepeken ante pi toki ilo la, o pilin e toki ilo “#TAWA [[lipu wile li lon ni]]” taso. sina ken pana e “#TAWA” anu “#tawa.” ni la sina wile pana e nimi “ma Juwese” tawa lipu “ma Mewika” la lipu ona li ni taso:

#TAWA [[ma Mewika]]

kepeken ilo WisuwaEsita la,

sina ken pali e tawa lipu kepeken ilo WisuwaEsita:

1. o open e ilo pi ken lipu (ni li sitelen pi linja supa tu wan) lon sewi pi palisa ante.
2. o pilin e nasin “Page settings.”
3. o pilin e leko “Redirect this page to.”
4. o pana e nimi pi lipu wile lon leko toki pi anpa.
5. o pilin e leko laso “Apply changes.”
6. o awen e lipu. sina ken pana e sona ante. sina pana ala e sona la sona li kama tan ilo lipu.

tawa lipu tu

ilo ni li ken ala tawa lipu tu anu mute — ni li “tawa lipu tu.” jan li wile ala e ni: tawa lipu li tawa lipu pi tawa lipu.

tawa lipu ni li kama tan ni: lipu li kama nimi ante. sina tawa e lipu la o lukin e tawa lipu ale tawa nimi pi tenpo pini. o ante e ona tawa lipu nimi sin. ilo li ken pona e ni, taso jan ante o ante e ni.