pali:mi toki pona anu seme?

pali suli Wikipesija la mi wile e jan pali mute. ken toki la, mi wile e jan pi sona mute, e jan pi kama sona kin. jan pi sona lili taso li awen ken pona e lipu ni. taso jan ali o sona e wawa ona, e ike ona. tan ni la mi pana e lipu ni, li pana e jan tawa poki tu tu tan sona toki ona. kepeken ni la, tan wile sona mute la, sina kama sona e ni: sina lon poki seme.

(At Wikipesija we want to attract as many new contributors as possible. This includes those who are still learning Toki Pona. Even those who know very little of the language may be able to help in some ways. However, we want to make sure that everyone is aware of their own level of expertise and limitations. To that end we have devised these questions to place yourself in one of four categories of proficiency.)

poki jan sona

1. open sona: sina ken pona e ijo pi toki ala. taso o alasa ala ante e toki lipu. o awen a kama sona. tenpo kama la o lukin sin e lipu ni. (Beginner: You are welcome to improve things that don't require speaking Toki Pona. But please don't try changing the content of pages. Please keep learning! Please revisit this page at some point in the future. Please note: The rest of this page will be exclusively in Toki Pona. If you are unable to understand the rest of this page, or can only do so with great difficulty or by consulting a dictionary or machine translator, you fall into this category.)
2. sona lili: sina ken pona e ike lipu. taso sina alasa pana e sona sin, la ken suli la sina toki nasa. o awen a kama sona. sina sona e toki ni, la ni li wawa. sona sina o kama suli.
3. sona insa: o sitelen e toki. taso o lukin sin e sitelen sina. ken la nimi "la" li weka. ken la sina wan e kipisi toki tu. o awen sona e ni: toki o pona a. toki li ike, la o toki sin. anu o toki tawa jan pi sona suli.
4. sona suli: o sitelen pona.

kipisi nanpa wan

toki ni la sina lukin ala lukin e pakala? sina lukin e pakala lon toki ali a, la o lukin e kipisi nanpa tu. ante la sina jan pi open sona.

• mi li pona.
• soweli e moku.
• ali li e pona.
• ona li ala li sona?

kipisi nanpa tu

toki ni la sina lukin ala lukin e pakala? sina lukin e pakala lon toki ali a, la o lukin e kipisi nanpa tu wan. ante la sina jan pi sona lili.

• jan li pana e sike tawa mi en mama mi.
• o toki tawa jan pi esun.
• mi tawa tawa ma sin.
• o lukin e ilo pi jan li tawa wawa.

kipisi nanpa tu wan

toki ni li pakala ala. taso ona li nasa anu seme?

• pona toki li wan e kulupu lon tan.
• o lukin e jan pona ni tu lon sitelen. mama mi li poka e olin mi.
• mi o kepeken e sona mi.

---

o sitelen lawa e toki ni:

• noka taso la mi tawa esun. tomo tawa la mi toki e ni tawa jan esun: "mi wile tawa ma ante".

jan toki li toki tawa jan esun, la ona li lon tomo seme?

---

o sitelen lawa e toki ni:

• jan li wile tawa tomo sona. taso lawa la jan pi kulupu ona li ken ala lon tomo sona ni. ken la ona li utala e kulupu lawa.

jan li utala ala utala?

---

sina sona pona e ni, la sina jan pi sona suli. ante la sina jan pi sona insa.