pali

lipu ni li toki e pali lon kon pi suli nanpa wan. ijo li pali kepeken wawa la o lukin e lipu “pali wawa”.

o lukin e nimi ni lon lipu nimi: nimi:pali

pali li toki e ni:

• "ijo li seme e ijo ante?"
• "ijo li seme?" (taso, ni li sama toki ni ala: "seme li ijo ni?")

sona pi pilin sona^(?) la, pali la, ijo li wile ni, li wile e ijo tan pali ona. ijo li wile pilin pona lon pini pali. tenpo mute la, ijo li jan.

taso, tenpo nanpa wan la, jan pi pilin sona li wile sona e ni: seme li pali? jan li moli la, sijelo ona li tawa tan ijo ante la, jan ni li pali ala pali? ante la, jan li pilin monsuta la, sijelo li ken tawa tan wile ona ala. ni li pali ala pali?

ken la, pali li lon tan wile. ni la, jan li lawa e tomo tawa la, ona li pali. taso, jan li pana e jaki tan uta ona la, ni li pali ala, tan ni: ona li wile ala e ni. jan Luwi Wikensan^(?) en jan Tana Tewison^(?) li alasa sona mute e ni ale.