nimi pi ijo wan

lipu ni li toki ala e lipu “nimi toki pi ijo wan”.

nimi pi ijo wan li nimi ijo, li toki e ijo ni: ona li wan taso lon ale. nimi Apika, en nimi Jupite, en nimi Sonja, en nimi Makoso, li nimi pi ijo wan. ante la, nimi pi kulupu ijo li nimi ijo, li toki e ijo ni: ona li wan taso ala lon ale. nimi “ma” en nimi “mun” en nimi “jan” en nimi “kulupu” li nimi pi kulupu ijo.

sitelen Lasina pi toki pona la, sitelen nanpa wan li sitelen wan suli lon nimi ale pi ijo wan. ante la, sitelen pona pi toki pona la, nimi pi ijo wan li jo ala e sitelen wan. tan ni la, jan li wile sitelen e nimi pi ijo wan, ona o kepeken poki nimi, o sitelen e sitelen pona wan ni lon insa poki: sitelen wan Lasina nanpa wan pi nimi ni en sitelen wan Lasina pi nimi ona li sama. kin, nasin ante li lon.