nena ma Topenkaki
ken la, nena ma Topenkaki (toki Inli la: Torpenhow Hill) anu nena ma pi ma tomo Tapena (toki Inli la: Torpenhow /trəˈpɛnə/) li nena ma lon ma Inli. ona li lon poka pi ma tomo lili Tapena, lon ma Kanpija. jan sona Tewi Pensi en jan pi ma ni li toki e ni: nena ma ala li lon ni, nena ma ala li jo e nimi ni tawa jan pi ma ni tawa jan lawa[1].
jan A. D. Mills li pali e lipu pi nimi pi ma pi lon ma Inli. ona li toki e ni: nimi Torpenhow li pana e sona ni: poka pi nena ma kiwen. ona la, nimi li tan nimi ni: nimi Torr pi toki Enli majuna, en nimi Penn pi toki Keleta nanpa wan, en nimi Hoh pi toki Tansi[2].
tenpo sike nanpa 1688 la, jan Toma Tenton li toki e ni: tomo sewi pi ma tomo Tapena li lon poka pi nena ma. ona la, nimi pi ma tomo li ken tan ni[3][4]. jan Tenton li pana e nimi "Hill" (nena ma) tawa nimi ni. taso, ken mute la, ma ala li jo e nimi ni[1].
tenpo sike nanpa 1884 la, jan G. L. Fenton li wile toki e nimi pi kipisi tu tu pi kon sama. nimi mute li jo e kipisi pi kon sama, taso kipisi tu tu li kipisi mute. ken la, nimi Tor, en nimi Pen, en nimi How, en nimi Hill li pana e sona sama ni: nena ma[5]. nimi li lon toki wan tan toki ante la, tenpo mute la ona li ken nasin ni. jan Toma Konpa li toki e ni kepeken nimi ni lon tenpo sike nanpa 1880[6].
tan sona
[o ante | o ante e toki ilo]- 1 2 tenpo sike nanpa 2003 la, jan Pensi Tewi la, lipu Word Ways la, lipu "The Debunking of Torpenhow Hill"
- ↑ tenpo sike nanpa 1993 la, tomo sona suli Oxford la, jan A. D. Mills la, lipu "A Dictionary of English Place-Names" la, lipu nanpa 332. nasin ISBN la, lipu nanpa 978-0-19-283131-6.
- ↑ tenpo sike nanpa 1950 la, kulupu English Name Place Society la, lipu "The Place-names of Cumberland" la, lipu nanpa 326
- ↑ tenpo sike nanpa 1687 la, jan Toma Tenton la, lipu "A Perambulation of Cumberland"
- ↑ tenpo sike nanpa 1884 la, tenpo mun nanpa 7 la, tenpo suno nanpa 12 la, jan G. L. Fenton la, lipu "Torpenhow"
- ↑ https://archive.org/stream/journalofbombayn15bomb#page/616/mode/1up