kute

kute li ijo sijelo pilin li nena lon poka lawa jan. sama oko la jan en soweli li jo e kute tu. jan en soweli li pilin e kalama kepeken kute. jan en soweli ante pi nena mama la kute li pilin e tawa anpa e ante tawa.

soweli mute li ken tawa e nena kute ona. jan pi mute lili taso li ken tawa lili e kute. jan ante li ken ala a.

kute jan
kute soweli

sijelo kute

kute jan la kipisi pi insa lawa ala en kute pi insa lawa li lon. kepeken ilo ala la jan li ken ala lukin e kipisi pi insa lawa. jan li ken lukin e kipisi kute pi insa lawa ala.

kute pi insa lawa ala la, nena kute en palisa kon li lon. kalama li tawa supa kute (eardrum) lon nena kute lon palisa kon. kalama li tawa supa kute la, kalama li tawa e supa. kute li toki e tawa ni tawa lawa. jan li kute e kalama kepeken nasin ni. kin la, kute li ken pana e sona ni tawa jan: kalama li kama tan poka anu sinpin anu monsi anu seme?

kipisi kute pi insa lawa la, jan en soweli li ken tawa pona. kipisi kute pi insa lawa li ken pilin e tawa anpa e ante tawa. kute en lukin li toki ala e tawa sama tawa lawa la, jan li ken pilin ike. ni li pilin ike tawa.

sitelen sona pi kute jan

kute ala

jan mute li jo e kute ala e kute lili. ona li ken kepeken toki luka. jan ni li jo e nena kute. taso, ona li ken ala kute e kalama.

namako kute

jan mute li jo e namako lukin lon kute ona. jan li pana e lupa lili lon kute ona. lupa ni li ken jo e namako kute.

namako kute li jo e kiwen mani.

namako kute