nena Tawisen
nena Tawisen (toki Nijon: 大山 /daiseɴ/, "nena ma suli") li nena ma suli lon ma Totoli lon ma Nijon. ma Tawisen li suli nanpa wan pi ma Totoli li suli nanpa wan pi ma suli Sijukoku. tenpo pini suli la nena ma Tawisen li pana e telo seli kiwen, taso, tenpo ni la ona li pana ala. nena ni li lukin sama nena ma Pusi la, nimi ante pi nena ni li "nena ma Pusi pi ma Oki (toki Nijon: 伯耆富士)"[1].
lete
[o ante | o ante e toki ilo]tenpo lete la ko lete mute li kama lon nena Tawisen. ko lete li awen lon tenpo ale[2]. tenpo seli la, kiwen lili mute li kama lon ko lete ni. ni la suno li weka ala e ko lete.
nasin pi tawa sewi
[o ante | o ante e toki ilo]jan li wile tawa sewi pi nena ni la, nasin tu li lon. taso, nasin ala li tawa sewi nanpa wan. tan li ni: tenpo sike nanpa 2000 la, ma li tawa wawa. nasin li pakala. jan li tawa sewi nanpa wan la, ona li ken moli[3]. ni la tenpo ni la jan li tawa sewi nanpa tu. suli la sewi nanpa tu li sama sewi nanpa wan.
lipu mama
[o ante | o ante e toki ilo]- ↑ lipu pi ma Sisujoka: https://web.archive.org/web/20190805034719/http://www.pref.shizuoka.jp/bunka/bk-223/furusato/chugoku01.html
- ↑ 台風で万年雪が露出／国立公園・大山. lukin lipu li lon tenpo 2026-04-10.
- ↑ lipu pi jan lawa pi ma Totoli: https://www.pref.tottori.lg.jp/67837.htm