nena Kanlinpose

nena ma Kanlinpose (toki Po la: གངས་རིན་པོ་ཆེ; Kangrinboqê, "toki Sankita", कैलास) li nena ma lon ma Po li linja m 6638.

ona li nena ma sewi pi nasin seei ni: nasin sewi Intu en nasin sewi Puta en nasin sewi Sana en nasin sewi Pon. ni la jan mute pi nasin sewi li tawa nena ma ni tan weka e ike ona.

tan nimi

toki Po la nimi གངས་རིན་པོ་ཆེ། li jo e kon ni: nena ma pi walo lete pi mani mute.

tawa sike

jan pi nasin sewi li tawa sike lon selo pi nena ma Kanlinpose, kin^[nimi] la jan li anpa tawa nena ma Kanlinpose lon tenpo suno luka luka luka (15 kepeken nasin nanpa pona) tan pona.

nena ma sewi

tenpo ni la jan ala li tawa nena ma ni tan ni: jan li tawa sewi pi nena ma ni la ni li ike e sewi ona.

ona li nena ma sewi lon nasin sewi Intu lon nasin sewi Puta lon nasin sewi Sana lon nasin sewi Pon. nasin sewi Intu la jan sewi Siwa en jan sewi Pawasi en jan lili pi ona tu li lon nena ma ni.