nasin telo Amasona

telo mute la, nasin telo Amasona (toki Potuke la: Rio Amazonas, toki Epanja la: Río Amazonas) li nasin telo suli nanpa wan lon ma ale. suli linja la, ona li nanpa tu lon ma ale (nasin telo Nile li nanpa wan). ona li lon ma Amelika seli. ona li open lon ma Pelu. nasin telo lili mute li kama wan li kama nasin telo Amasona. ona li kama tawa telo suli Alansi lon ma Pasiju, lon poka e ma tomo Pelen (toki Potuke la: Belém).

ma kasi Amasonija li sike e nasin telo. ona li ma kasi telo nanpa wan lon ma ale. ma kasi ni li jo e kasi mute e soweli mute.