nasin sona

nasin sona anu sona pi ale lon la, jan li kama sona e ijo ale kepeken nasin pona. jan li toki e ijo ken, li alasa pona e lon ona.

nasin sona li open lon tenpo pini weka. jan li kama lon e nasin sona mute:

• sona nanpa
• sona mun
• sona sijelo
• sona sona
• sona ma
• sona kama
• sona esun

tenpo la, nasin sona li ante mute. tenpo ni la, jan li jo e sona lon mute.

tenpo ni la, jan li kipisi e nasin sona tawa kulupu nanpa tu wan. ona li kulupu sona pi sona lon li kulupu sona pi sona kulupu li kulupu sona pi sona nanpa.

jan pi nasin sona li wile sona e ijo sin. tenpo mute la, kulupu suli li pali e alasa sona. ken la, sona sin li ken ante e nasin jan e nasin lawa.