nasin sitelen pi toki Nijon

nasin sitelen pi toki Nijon (toki Nijon la: 日本語の表記体系) anu sitelen Nijon li sitelen nasin pi toki Nijon. tenpo ni la jan li kepeken nasin tu wan suli. nanpa wan li sitelen Kansi li ken sama nasin ni: nimi wan li sitelen wan. nanpa tu li sitelen Kana li sama nasin ni: kulupu kalama wan li sitelen wan. nanpa tu wan li sitelen Lomansi li kepeken sitelen Lasina li sama nasin ni: kalama wan li sitelen wan. nasin tu ante li lon sitelen Kana. nanpa wan li sitelen Ilakana. nanpa tu li sitelen Katakana. tenpo la jan li toki e ni: kama sona pi sitelen Nijon li wile e wawa pi suli nanpa wan. tan li ni: kama sona pi nasin mute li wile.

jan li sitelen Nijon la jan li ken open sitelen lon sewi lipu li ken pini sitelen lon anpa lipu. ni li kama e linja sitelen wan. linja li open lon poka pini lipu li pini lon poka open lipu. tenpo pini la jan li kepeken nasin ni lon mute, taso utala suli nanpa tu li pini la nasin ni ante li kama suli: jan li open sitelen lon poka open li pini sitelen lon poka pini. linja sitelen li open lon sewi li pini lon anpa lipu. tenpo ni la jan li sitelen lon lipu kasi la jan li kepeken nasin pi tenpo pini lon tenpo mute. lipu ilo la nasin pi tenpo ni.

nasin lukin

toki ni li tan sona Asaje Sinpun li tan suno nanpa LLLTT pi mun nanpa TT pi sike nanpa MATT. sitelen Kansi en sitelen tu Kana en sitelen Lomansi li lon ona.

2=ラドクリフ、マラソン五輪代表に 1万m出場にも含み

Radokurifu, Marason gorin daihyō ni, ichi-man mētoru shutsujō ni mo fukumi

"jan Pola Waki li lon utala pi tawa suli pi ma ale. ona kin li wile lon utala pi tawa lili wawa (linja WAA pi nasin pi mute weka pi ma ale)"

nimi pi toki Nijon li seme lukin lon nasin sitelen ale:

sitelen Kansi	sitelen Ilakana	sitelen Katakana	sitelen Lomansi	kon nimi
私	わたし	ワタシ	watashi	mi
金魚	きんぎょ	キンギョ	kingyo	kala lili jelo
煙草	たばこ	タバコ	tabako	palisa lili ni: jan li uta e ona la jan li insa e kon pi pona pilin pi ike sijelo
東京	とうきょう	トウキョウ	tōkyō	ma Tokijo ("lawa pi ma pi kama suno")