nasin sitelen Anku
 | jan li wile e ni: lipu ni en lipu "sitelen Anku" li kama wan. (o toki). |
nasin sitelen Anku (한글 - nimi pi ma Anku lete: 조선글 soson-kulu) li nasin sitelen pi toki Anku.
tan seme?
[o ante | o ante e toki ilo]lon poka pi sike suno nanpa 1400 la jan Seson (toki Anku: 세종) li jan lawa pi ma Anku li jan sona. ona li wile pali e nasin sitelen pona tawa toki Anku: ona li wile e ni kin: jan pi ma Anku li kepeken e sitelen ni.
lon tenpo sike nanpa 1446 la jan Seson li pana e sitelen ona lon lipu. jan Seson la lipu en sitelen li kepeken nimi 훈민정음 Uminsonun (nasin sitelen Ansa - nasin sitelen pi toki Sonko pi toki Anku: 訓民正音 - kalama pona pi pana sona jan). nimi 'Anku (nasin sitelen suli pi toki Anku)' li pana tan jan Su Sikijon(toki Anku: 주시경). ona li jan sona pi toki Anku. tenpo mun pi nanpa luka luka tenpo suno 9 li tenpo suno pi nasin sitelen Anku lon ma Anku.
open la jan sona pi ma Soson li awen kepeken sitelen Ansa. jan pi sewi ala en jan meli li sona ala e sitelen Ansa la ona li kepeken sitelen Anku. ma Soson li pini lon tenpo la jan mute li kama sona e sitelen Anku li kepeken ona tawa toki tawa musi.[1]
nasin
[o ante | o ante e toki ilo]sitelen Anku la kulupu sitelen tu li lon. kulupu nanpa wan li kalama pi uta pini li ken kama lon open kalama lon pini kalama. kulupu nanpa tu li kalama pi uta open li ken kama lon insa kalama. tenpo ni la sitelen 14 li kulupu pi open kalama pi pini kalama. sitelen 10 li kulupu pi insa kalama. sitelen ale Anku o leko la jan li kepeken sitelen lili tawa leko wan pi kulupu kalama wan. ma Anku seli en ma Anku lete li nanpa e mute sitelen kepeken nasin ante.
ㄴ(n)+ㅏ(a)=나(na)
ㄱ(k)+ㅏ(a)+ㄱ(k)=각(kak ka)
ㅇ(n - ona li lon open leko la ona li kalama ala)+ㅕ(jo)+ㄹ(l)+ㅁ(m)=엶(jolm jon)
ㅌ(t)+ㅘ(o+a=wa)+ㅅ(s - ona li lon pini leko la ona li kalama t)=퇏 (twat tuwa)
lipu ante
[o ante | o ante e toki ilo]- toki pona kepeken nasin sitelen Anku http://www.tobareinne.com/misc/llengua/tokipona/hangul-Vkbd.html
lipu Wikinanpa la poki sona li lon tawa lipu ni. o lukin e ona.