nasin sewi pi jan Mani
jan mute li lon nasin sewi pi jan Mani lon tenpo pini. taso, jan ala li lon nasin ni lon tenpo ni.
tenpo pini la, nasin ni li lon ma Loma li lon ma Sonko li lon ma Mesopotamija li lon ma ante.
jan Mani li open lon ma Mesopotamija.
pilin
[o ante | o ante e toki ilo]jan Mani li toki e ni[1]:
- sewi li pana e sona sewi tawa jan Mani.
- ma ni la, ijo tu taso li lon: pona en ike li lon. suno li pona. pimeja li ike. suno en pimeja li utala. kon li pona. jan en soweli en kasi li jo e kon. tan ni la, kon jan li pona. taso, sijelo jan li ike.
- moku soweli en moku pi telo nasa en moli kasi li ike li ken ala. jan li kama mama la, ni kin li ike.
- suno en mun li sewi.
- nasin sewi pi jan Mani li sona pi jan Jesu li sona pi jan Salatusa (Zarathushtra/Zoroaster) li sona pi jan Puta.
- sewi Jesu li sama ala jan. ona li sewi taso.
- jan li ike la jan li kama soweli anu kasi lon tenpo moli.
tan sona
[o ante | o ante e toki ilo]- ↑ Samuel N. C. Lieu (en) li toki e ni lon Manichaeism in Mesopotamia and the Roman East tan Brill lon tenpo 1999.