nasin sewi Isilan
nasin sewi Isilan (toki Alapi la: الإسلام /al.ʔis.laːm/) anu nasin sewi pi jan Muwama li tan ma Alapi. sewi wan taso li lon. toki Alapi la sewi li nimi Ila (الله). mute jan la, ona li nasin sewi nanpa tu. ona li nasin sewi pi jan Alawan. sewi li toki e sona tawa jan Muwama la ona jan li pali e lipu Kulan. ni li lawa e nasin. nasin Isilan la sewi li toki pini tawa jan Muwama la toki sewi sin li kama ala. jan Alawan en jan Jesu li jan toki ante pi tenpo pini tawa jan Muwama.
nasin Suni en nasin Sija li tu suli ona. mute ante kin li lon li lili tawa ona tu.
sona
[o ante | o ante e toki ilo]nasin Suni en nasin Sija la toki ni li pona li lon. ijo li wile kama lon nasin Isilan la ona o toki lon e sona ni:
- wan sewi
- jan sewi
- lipu sewi
- jan pi kute sewi
- tenpo sewi pi moli ale
- lawa sewi pi pali ale
wan sewi
[o ante | o ante e toki ilo]sewi li ijo wan lon nasin Isilan. nasin ante pi jan Jesu la sewi li mute la ona li mama wan li jan wan li kon wan.
sewi li sijelo ala li jan ala li ijo ma ala la sitelen pi sewi wan li ken ala lon nasin Isilan.
jan sewi
[o ante | o ante e toki ilo]sewi li lawa e jan sewi ni li pana e sona tawa jan pi kute sewi kepeken ona. sewi li pali e ona kepeken suno la ona li ken ala ike. ona li sona e ijo ale.
lipu sewi
[o ante | o ante e toki ilo]lipu Kulan li tan toki pi jan Muwama. sewi li toki tawa ona kepeken jan suno sewi. jan poka kin pi jan Muwama li toki e sona sewi la mute li pali e lipu Asi(?) (toki Alapi la: الحديث النبوي, "lipu pi toki sewi kama")
tenpo sewi pi moli ale
[o ante | o ante e toki ilo]nasin Isilan la tenpo kama la ale li moli lon tenpo sama li ken tawa ma pona li ken tawa ma ike.
lawa sewi pi pali ale
[o ante | o ante e toki ilo]sewi li lawa e pali ale lon. taso jan li ken wile ante. sewi li lawa e ken ni.
nasin Suni en nasin Sija
[o ante | o ante e toki ilo]
nasin Isilan li tu tan ni: toki pi jan mute la jan Muwama li moli la kulupu o anu e jan lawa sin li wile e jan Apu Pa. ni li kama nasin Suni. taso mute ante li toki e ni: jan Muwama li moli la ona li toki e ni: jan pi kulupu mama ona o lawa la jan Ali In Api Tali o ni. ni li kama nasin Sija. kulupu tu ni li kama utala la ante mute kin li kama lon tenpo.
nasin Suni en nasin Sija la nasin Suni li suli li lon ma mute. nasin Sija li suli lon ma Ilan.