nasin pona meli

sitelen ni li sitelen pi nasin pona meli. ona li luka wawa lon insa pi sitelen meli. mama ona li jan Lopi Mokan.

nasin pona meli la, meli en mije li pona sama. jan pi nasin pona meli li pilin e ni: kulupu mi mute la, jan li pona sama ala. meli la, mije li suli namako. jan pi nasin pona meli li wile ante e ni. ona mute li lukin pana e pona tawa meli.

pini pi tenpo sike ale nanpa 19 lon ma Elopa la, nasin pona meli li kama lon. tan tenpo ni la, kulupu pi nasin pona meli li utala tawa ken sama meli. tan ni la, meli li ken pana e wile ona lon kulupu lawa li ken pali li ken kama sona.

taso, mije la, meli li jo ala e ken ale. meli li kama mama la ona li ken ala pini e ni lon ma mute. mije la, meli pali li kama jo e mani mute ala. unpa ike en tomo ike li lon li pana e ike mute tawa meli suli tawa meli lili. kulupu mute li wile awen e ni tawa meli.

tenpo lon la, jan nanpa lili ala li pilin e ni: nasin pona meli li wile pona tawa mije kin tan ni: nasin kulupu pi lawa mije li pana e ike tawa mije kin.

nasin pona meli li nasin wan ala. lon tenpo sike ale nanpa 19 la, kulupu pi nasin pona meli nanpa wan li kama lon. kulupu ni li wile kama jo e ken sama. kulupu pi nasin pona meli nanpa tu li kulupu nasin pi pali kulupu. ona mute li wile pakala e nasin mani tan ni: ona li pana e ike mute tawa meli. tan tenpo sike nanpa 1960 la, nasin nanpa tu wan li lon. ona mute li pilin e ni: ante wawa suli li pakala pona e nasin kulupu pi lawa mije.

nasin mute ni li nasin suli pona meli. taso, tenpo poka la, nasin ante mute li lon. tawa jan lili ala la, nasin nanpa lili li pona ala. nasin pona pi meli walo en nasin pona pi meli tonsi ala li lon. tan ni la, nasin pona pi meli ale li kama lon.