sona selo pi poka tu wan

ike la lipu ni li lili. sina wile pona e ona la sina ken suli e ona.

sona selo pi poka tu wan li sona lon sona pi sitelen ma lon sona nanpa. sona ni la, jan li lukin e selo pi poka tu wan, li wile sona e ni: pini poka li suli ni la, poka li sama suli tawa nanpa seme?

selo pi pini poka leko

sitelen ni la, poka $a$ li poka weka; poka $b$ li poka noka; poka $c$ li poka suli.

selo pi poka tu wan li jo e pini poka leko la, ona li pona a tawa sona ni. sina sona e suli pi pini poka la, sina ken sona e sama suli pi poka ale.

o lukin e sitelen lon poka. pini poka wan la, mi kepeken nimi $\alpha$. ni la, poka o kama nimi:

• poka suli li suli nanpa wan tawa poka ale li pini lon pini poka $\alpha$.
• poka noka li pini lon pini poka $\alpha$ li poka suli ala.
• poka weka li pini lon pini poka leko li pini ala lon pini poka $\alpha$.

poka nimi ni la, mi ken toki e sama tu wan kepeken suli pi pini poka $\alpha$.

• sama weka suli (sitelen pi sona nanpa la: $\sin \alpha$) li ni: poka weka li suli pi nanpa seme tawa poka suli?
• sama noka suli (sitelen pi sona nanpa la: $\cos \alpha$) li ni: poka noka li suli pi nanpa seme tawa poka suli?
• sama weka noka (sitelen pi sona nanpa la: $\tan \alpha$) li ni: poka weka li suli pi nanpa seme tawa poka noka?