nasin pi palisa mute

^[ike]

ni li ilo pi palisa mute li sitelen nasin

jan Penito Musolini en jan Atoje Ite li jan suli pi nasin ni

nasin pi palisa mute (toki Italija la: fascismo) li nasin lawa. tenpo pini la, ma Tosi en ma Nijon en ma Italija li kepeken nasin ni lon tenpo pini. tenpo ona li utala suli pi nanpa tu.

nasin Nasi li nasin pi palisa mute. jan Atoje Ite en jan Penito Musolini en jan Ilowito li jan suli pi nasin ni. jan pi nasin ni li weka li moli e jan mute.

nasin

jan nasin pi palisa mute li pilin e ni: kulupu li kipisi tan jan wawa, tan jan pi wawa ala. jan pi nasin ni li utala tawa ma ona li olin e kulupu jan ona li utala e kulupu jan ante. nasin ni li utala e nasin pi jan pali e nasin lawa pi jan ale.

tenpo mama pi nasin ni la, kulupu pi nasin pi jan pali li wawa. ona li wile weka e nasin mani. jan mani li pilin ike tawa ona li wile utala li wile weka e kulupu pi jan pali. jan mani li pilin e ni: kulupu pi jan pali li kipisi la, kulupu ona li wawa ala. nasin pi palisa mute li kipisi e kulupu pi jan pali. ona li toki sama e kulupu pi jan pali. taso: ma pi nasin ni la, jan mani li lon li wawa.

nimi

mama nimi li ilo palisa mute tan ma Loma.