nasin nanpa pona
nasin nanpa pona li nasin nanpa tawa toki pona. ona li suli e nasin nanpa pi lipu pu la, jan li ken toki e nanpa pi suli mute kepeken toki lili. jan Kapilu en jan Tepo li pali e ona lon tenpo sike 2021. jan li toki e nanpa pi suli mute la, jan mute li kepeken nasin ni li kepeken ala nasin nanpa ante.
mama Sonja li kepeken nasin ni lon lipu su[1] tan ni: ona li wile sitelen e tenpo sike open pi ken mute lipu(?) kepeken toki pona.
ni li sama nasin nanpa pu
[o ante | o ante e toki ilo]lipu li kepeken nasin pu pi nanpa suli la ni ale li sama lon nasin nanpa pona.
| nasin nanpa Alapi | nanpa pi nasin ni | ni li sama |
|---|---|---|
| 1 | wan | |
| 2 | tu | |
| 3 | tu wan | |
| 4 | tu tu | |
| 5 | luka | tu tu wan |
| 6 | luka wan | |
| 20 | mute | luka luka luka luka |
| 36 | mute luka luka luka wan | |
| 100 | ale | mute mute mute mute mute |
| 300 | ale ale ale |
ni li sama ala nasin nanpa pu
[o ante | o ante e toki ilo]taso nanpa li suli la nasin nanpa pona li pana e ken namako. lipu li kepeken nasin nanpa pu la ni li awen pona sona tawa nasin nanpa pona. taso nanpa li suli la nasin nanpa pona li ken lili e mute nimi.
nasin nanpa pona la, nimi "ale" li ken pana e sona ante. nimi nanpa li lon open pi nimi "ale" la nanpa open li suli e nanpa ale.
| nasin nanpa Alapi | nanpa pi nasin ni | ni li sama |
|---|---|---|
| 100 | wan ale | ale |
| 300 | tu wan ale | ale ale ale |
| 1 00 00 | wan ale ale | ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale |
| 1 23 45 | wan ale mute tu wan ale mute mute luka | ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale ale mute mute luka |
nasin sitelen
[o ante | o ante e toki ilo]nanpa suli li kepeken nasin nanpa pona la ni li ken awen suli kin lon lipu. suli ni li ike la sitelen nanpa li ken lili kepeken sitelen lili pi open nimi. nimi "ale" li kama sitelen A. nimi "mute" li kama sitelen "M". nimi "luka" li kama sitelen L. nimi "tu" li kama sitelen T. nimi "wan" li kama sitelen "W". nasin sitelen ni la 12 345 li kama wan ale mute tu wan ale mute mute luka li ken kama WAMTWAMML.
nanpa pi lili mute
[o ante | o ante e toki ilo]wan li nanpa suli la ala li nanpa lili. nanpa ante li ken lon insa. ni la jan Kapilu li pana e nasin namako tawa nasin nanpa pona.
| nasin nanpa Alapi | nanpa pi nasin ni |
|---|---|
| 0.1 | ala luka luka |
| 0.01 | ala wan |
| 0.001 | ala ale luka luka |
| 0.0001 | ala ale wan |
| 1.91 | wan ala mute mute mute mute luka luka wan |
nanpa li ken toki e ijo weka
[o ante | o ante e toki ilo]tenpo mute la nanpa li toki e ijo lon. taso sina wile e ijo la ijo ni li weka la nanpa li ken toki e weka ona kin. ni la jan mute li alasa e nasin li kama kepeken nimi "weka". ni kin li namako tawa nasin pi lipu ni.
| nasin nanpa Alapi | nanpa pi nasin ni |
|---|---|
| -1 | weka wan |
| -25 | weka mute luka |
tan sona
[o ante | o ante e toki ilo]- ↑ mama Sonja li toki e ni lon [The Wonderful Wizard of Oz (Toki Pona edition)] (978-0978292379).