nasin nanpa poki
nasin nanpa poki anu nasin nanpa lon li nasin nanpa pi jan mute lon ma ni. nasin nanpa ni li jo e sitelen wan nanpa lon poki nanpa. nanpa pi poki nanpa li pana e sona ni: nanpa lon poki nanpa la, ni li mute seme?
sike nanpa li ijo pi nasin nanpa poki.
- sike nanpa pi nanpa 2 (toki Inli la: binary, base-2) la, sitelen ante tu li sitelen wan nanpa. tenpo mute la, ni li 0 li 1.
- sike nanpa pi nanpa 10 (toki Inli la: decimal, base-10) la, sitelen ante luka luka li sitelen wan nanpa. tenpo mute la, ni li ni: 0, 1, 2, 3, 4, 5, 6, 7, 8, 9.
- sike nanpa pi nanpa 16 (toki Inli la: hexadecimal, base-16) la, sitelen ante luka luka luka wan li sitelen wan nanpa. tenpo mute la, ni li ni: 0, 1, 2, 3, 4, 5, 6, 7, 8, 9, A, B, C, D, E, F.
jan li wile sitelen e nanpa kepeken nasin ni la, ona o kepeken e sitelen nanpa lon nasin ni taso.
jan li wile nanpa kepeken nasin nanpa poki kepeken sike nanpa pi nanpa 10 la:
- open la, ona o jo e poki nanpa. ona li ken jo e mute ale pi wile ona. nasin lon anpa la, o jo e poki tu wan anu mute sewi. lon poki ale la, o pana e sitelen "0".
- ona li wile open nanpa la, o ante e poki nanpa 0 (kulupu nanpa wan) tawa sitelen "1".
- ni li pini la, o ante e poki nanpa 0 tawa sitelen "2".
- ni li pini la, o ante e poki nanpa 0 tawa sitelen "3".
- o awen pali ni kepeken sitelen nanpa Alapi.
- jan li ante e poki nanpa 0 tawa sitelen "9" la, o pini pali ni.
- ni li pini la, o ante e poki nanpa 1 (kulupu nanpa mute) tawa sitelen "1", o ante e poki nanpa 0 tawa sitelen "0" sin.
- ni li pini la, o ante e poki nanpa 0 tawa sitelen "1".
- o awen pali pi ni ale.
- poki nanpa 1 li sitelen "9" la, poki nanpa 0 li sitelen "9" la, o pini pali ni.
- ni li pini la, o ante e poki nanpa 2 (kulupu nanpa ali) tawa sitelen "1", o ante e poki nanpa 1 e poki nanpa 0 tawa sitelen "0" sin.
- o awen pali pi sama ni.
![{\displaystyle [0][0][0]}](https://wikimedia.org/api/rest_v1/media/math/render/svg/3ddb47066df46fb1c4345a333faff0191df1703f)
![{\displaystyle [0][0][1]}](https://wikimedia.org/api/rest_v1/media/math/render/svg/f68b7cdb1d79f7f5691c557e6659fb31cd5b1893)
![{\displaystyle [0][0][2]}](https://wikimedia.org/api/rest_v1/media/math/render/svg/8f126d91e9a894a193bcdcb9da576560f4e4c94b)
![{\displaystyle [0][0][3]}](https://wikimedia.org/api/rest_v1/media/math/render/svg/7b1b105a04f1fdcb5e24f7daae45655ce4bbf663)
![{\displaystyle [0][0][...]}](https://wikimedia.org/api/rest_v1/media/math/render/svg/e4bd0a4026f1fa12b1fad9608b6ebf0bf0c85535)
![{\displaystyle [0][0][9]}](https://wikimedia.org/api/rest_v1/media/math/render/svg/66df4f8e12652cb090aa73bd344cd2af600d7f76)
![{\displaystyle [0][1][0]}](https://wikimedia.org/api/rest_v1/media/math/render/svg/e3302cb849bf64bc9afa1587ece6c93524b7023b)
![{\displaystyle [0][1][1]}](https://wikimedia.org/api/rest_v1/media/math/render/svg/0fb14c05a9612c374bf21b07316bda7c63168c8a)
![{\displaystyle [0][...][...]}](https://wikimedia.org/api/rest_v1/media/math/render/svg/ef5de2d3d5ea7c7a3b780b6dbe29d25a9b9f9b6b)
![{\displaystyle [0][9][9]}](https://wikimedia.org/api/rest_v1/media/math/render/svg/7404925ccbde59b3dfbf2ea90803962ed5f1b4e3)
![{\displaystyle [1][0][0]}](https://wikimedia.org/api/rest_v1/media/math/render/svg/8fa1dd10572234d9660999e8166185f8204a8dad)
![{\displaystyle [...][...][...]}](https://wikimedia.org/api/rest_v1/media/math/render/svg/ac5ef51e5ba564ac5188a68454cbd5e4119a60e5)
toki lon sewi pi toki ni la, ni li nasin noka pi sitelen nanpa kepeken sike nanpa pi nanpa 10 kepeken sitelen nanpa Alapi. taso, jan mute li sitelen ala e poki li sitelen insa e poki.
kin, poki li jo e sitelen "0" la, poki ale pi poka open ona li jo e sitelen "0" kin la, jan mute li sitelen ala e sitelen ni, sama ni: ona li wile ala sitelen e "00340" li wile sitelen e "340" taso.