nasin lon

poki sona insa jan li linja tawa ilo sona la, poki sona li pilin e ni: ona li tawa noka. ona la, pali ni li sama lon.

nasin lon li toki e nasin ijo la, ijo ni ale li lon. ni la, ijo ante li pilin insa ala e ijo ni. kulupu sona^(?) ante en nasin kulupu jan ante li toki e ni kepeken nasin ante. sona pi pilin lon^(?) li ken pilin e nasin sona pona e nasin sewi e sona nanpa e sona pi alasa lon la, nasin lon li lon sona ni ale. ona li wile sona e ni: "ijo li jo e sijelo lon la, ijo ni li lon ala lon?". sama la, ona li wile sona e lon pi mama sewi e lon pi sona kon^(?) e lon pi ma ken^(?).