nasin lawa ken
nasin lawa ken li nasin lawa li wile e ken jan. lawa en esun en kulupu jan la nasin lawa ken li ken lon. mute la kulupu jan pi nasin lawa ken li kama open e ma lawa. kamalawala Mewika en kamalawala Kanse en kamalawala Tosi li open tan nasin lawa ken.
nasin lawa ken la jan ale o ken pali e wile ona o ken ante tan kulupu o ken toki e wile ona. lawa o awen e ni. jan ale li toki e wile ona la kulupu li ken lawa pona tan sona ni. lawa ma o kipisi la jan mute o pali lawa. esun la jan o pali e wile ona. ni la esun o pona.[1]
- ↑ Bundeszentrale für politische Bildung (de) li toki e ni lon Liberalismus. mi lukin e ni lon tenpo 2026-01-21.