nasin Telawata

nasin Telawata li kipisi nasin pi nasin Puta, li lon tenpo pi suli nanpa wan, li awen lon tenpo lon. ona li mute lon ma Lanka, lon ma Kanpusi, lon ma Lajo, lon ma Mijama, lon ma Tawi. jan ona li awen e nasin ona lon pana sona pi jan Puta lon lipu Tepitaka Pali lon tenpo sike mute ale. tenpo sike #2010 la, nasin Telawata li kipisi nasin nanpa tu lon nasin Puta, li nasin Puta 36%. ante la, nasin Mawajana^(?) li kipisi nasin nanpa wan lon ona, li ona 53%.

lipu Tepitaka Pali li lipu pi pini nanpa wan lon nasin Puta, li lon toki Pali. nasin toki ni li nasin toki sewi, li nasin toki lawa. tawa nasin Mawajana la, tawa nasin Wasajana^(?) la, awen lipu li pona tawa nasin Telawata, lon sona pilin, lon sona lawa, lon sona toki. tan wan pi awen lipu ona li ni: ona li pilin e ni: lipu Suta Mawajana^(?) li toki pi lon ala. kin la, nasin Telawata li pilin e ni: jan Puta li suli tawa nasin Mawajana la, jan Puta ni mute li lon ala tawa nasin Telawata, sama jan Amitapa^(?), sama jan Walosana^(?), tan ni: jan ni li lon ala lipu ona.