nasin Sijon

sitelen len pi ma Isale en kalama musi Hatikvah

nasin Sijon (toki Iwisi la: ציונות [tsiyoˈnut]) li pilin pona tawa ni: lawa ma pi kulupu Jejuta o ma. ma mute lon ma Elopa la, lawa ma en jan li pilin ike tawa kulupu Jejuta. tan ni la, jan Theodor Herzl li toki e ni: ma lawa sin o lon. ona li wile e ma ni lon ma Ukanta anu ma Pilisin pi ma Osuman. kin la, ona li wile e ni: toki lawa pi ma sin ni o toki Iwisi ala o toki Tosi.

jan mute li tawa ma Pilisin li wile pali e ma tomo sin lon ma Pilisin. tawa ni li Alija (toki Iwisi la: עלייה, "tawa sewi"). tawa ni li jo e kipisi mute.

ma Isale li kama lon tenpo sike 1948 la, nasin Sijon li ni: ma Isale o awen. jan mute lon tenpo ni li pilin ike tawa nasin Sijon tan ni: nasin Sijon la, ma Isale li pali ike tawa kulupu Pilisin. kin la, ma Isale li lanpan e ma mute pi ma Pilisin, li weka e jan mute pi kulupu Pilisin tawa ma ante.