sona noka pi nanpa nimi

sona noka pi nanpa nimi li lon sona pi nanpa nimi. lipu ni la, mi toki e ijo noka tawa ona. mute la, jan lili li kama sona e ni lon tomo sona. sona ni en sona pi pali nanpa li ante tan ni: pali nanpa la, jan li sona e nanpa ale. nanpa li jo e nimi la, jan li sona ala e nanpa ale.

sitelen

sitelen pi toki nanpa^(?) la, jan li ken sitelen e toki nanpa. kin la, nasin ona li pana e nimi mute tawa wan mute lon sitelen ni. mi toki e toki nanpa $3x^{2}-2xy+c$ la, ona li jo e wan ni:

sitelen pi toki nanpa la:
1 – nanpa pi suli sewi
2 – nanpa pi mute awen
3 – nimi
4 – pali noka
5 – nimi awen
$c$ – nanpa nimi awen
$x$ en $y$ – nanpa nimi pi awen ala

o sona e ni:

• mute awen li nanpa awen li mute e nanpa nimi.
• sitelen ni la, nimi li kulupu ijo li ken jo e mute awen e nanpa nimi e suli sewi. toki nanpa la, jan li wan e nimi li weka e nimi.
• sitelen kalama^{(?)[kipisi "lipu li ala" la lipu ante li kepeken nanpa Wikinanpa ni]} li nimi e nanpa awen e nanpa pi awen ala.

ijo noka

nanpa nimi

sona ni li suli e nasin pi pali nanpa tan ni: ona li pana e nanpa nimi tawa ona. lawa li lon pali nanpa la, lawa sama li lon pali pi nanpa nimi. ni li pona tan ijo mute:

1. nanpa nimi li ken toki e nanpa pi sona ala. mi ken toki e ni: suli seli $C$ pi suno ni li suli tawa suli seli $P$ pi suno pini lon nanpa $20$ la, mi ken toki e ni kepeken toki nanpa: $C=P+20$.
2. nanpa nimi li ken toki e nasin pona tawa ijo mute, li toki ala e suli lon pi nanpa sona. mi ken toki e ni: tenpo Minu 5 la, $60\times 5=300$ la, ni li sama tenpo Sekon 300. taso, mi kepeken nanpa nimi la, mi ken toki e ni: nanpa pi tenpo Minu li nanpa $m$ la, nanpa pi tenpo Sekon li $s$ la, $s=60m$.
3. suli ijo li ken ante mute la, nanpa nimi li ken toki e linja lon ona. mi ken toki e ni: sike supa la, suli selo $c$ ona en suli $d$ pi palisa insa suli ona la, $\pi ={\frac {c}{d}}$. (nanpa $\pi$ li nanpa sike).
4. nanpa nimi la, jan li ken toki e sona noka lon lon sona nanpa. mi ken toki e ni: pali pi wan nanpa la, ante ma la, nanpa pini li sama^(?). toki nanpa la, mi sitelen e ni: $a+b=b+a$.

jan li ken lili e toki nanpa

jan li ken lili e toki nanpa kepeken lawa pi pali nanpa.

toki pi sama nanpa

toki pi sama nanpa la, jan li toki e ni: toki wan nanpa en toki ante nanpa li sama. sitelen la, ${\text{(toki wan)}}={\text{(toki ante)}}$. insa pi toki tu la, sitelen sama ("=") li lon.

sitelen sama li sama nimi "sama" pi sitelen pona. open la, sitelen ni li tawa toki pi sama nanpa. jan mute li sona e kon ona la, mama Sonja li kepeken ona lon sitelen pona tawa nimi "sama".

jan mute li sona e toki ni pi sama nanpa. ona li sona pali pi jan Putakola li toki e suli poka lon nena supa leko:

$$c^{2}=a^{2}+b^{2}$$

toki ni pi sama nanpa la, mi toki e ni:

suli $c$ li suli pi poka suli. mi leko supa e suli $c$ la, suli $c^{2}$ li lon. suli pi poka lili tu li suli $a$ li suli $b$. mi leko supa e suli pi poka lili tu li wan e ona tu la, suli ni li sama suli $c^{2}$

toki pi sama nanpa la, mi toki e sama pi ijo tu. ken la, ona li lon suli ale pi nanpa nimi ale. ken la, ona li ni ala. ona li ni ala la, sina ken alasa e nanpa ni: sina ante e nanpa nimi tawa ona la, toki pi sama nanpa li lon. nasin ni li alasa pona pi sama nanpa.

ante pi nanpa nimi

jan li ken ante e nanpa nimi tawa ijo ante. ken la, ni li toki nanpa. ken la, ni li nanpa taso.