musi sike pi lipu tu tu

musi sike pi lipu tu tu (toki Inli la: baseball) li musi sijelo. jan pi ma Mewika li pali e ona tan musi majuna^[nimi] tan ma Inli. ma Mewika la ona li suli mute, li "musi ma" (toki Inli la: national pastime). jan mute li musi tan ona lon ma Mewika, lon ma Kanata, lon ma ante pi ma Amelika, lon ma Anku, lon ma Sonko, lon ma Nijon.

kulupu tu li utala. musi li jo e kipisi luka tu tu lon tenpo mute. kipisi li jo e kipisi lili tu. kipisi lili wan la, kulupu wan li jan palisa li jan tawa; kulupu ante li alasa. kipisi lili ante la, kulupu li ante e pali ona.

lili la ni li lawa: jan palisa li lon lipu lawa, li alasa ni: ona li tawa e sike lili walo kepeken palisa, li kama jan tawa. jan tawa li tawa lipu tu tu, li kama sin lon lipu lawa la, kulupu ona li kama jo e wile wan. taso jan alasa li wile pakala e ni. ona li kama jo e sike tan sewi la, jan palisa o weka. jan alasa li luka e jan tawa kepeken sike la, jan tawa li lon ala lipu pona la, jan tawa o weka.

kulupu musi suli^(?) li pali e utala suli^(?) lon tenpo sike ale.