kiwen en ilo kipisi en lipu
 | |
| nasin | musi luka |
| jan musi | tu (anu mute) |
| tenpo pali | ala |
| tenpo musi | lili |
| ijo pi nasin ale | suli |
musi "kiwen en ilo kipisi en lipu" li musi luka. ona li musi kepeken ken. tenpo pini la jan pi ma Sonko li pali e ona. tenpo pini la ona li tawa ma Nijon. taso tenpo ni la, jan pi ma ale li musi e ona.
lipu Wikinanpa la poki sona li lon tawa lipu ni. o lukin e ona.
nasin musi[1]
[o ante | o ante e toki ilo]tenpo mute la, jan tu li musi. taso jan mute li ken musi. jan musi li pana e wan pi sijelo luka lon tenpo sama. tenpo tu wan la, ona li pana e sijelo lon tenpo sama kepeken luka ona. ni li lawa musi: sijelo li sama la, jan ala li kama nanpa wan; jan tu o musi sin. sijelo li ante la, ona li utala kepeken nasin ni:
- lipu li selo e kiwen
- ilo kipisi li tu e lipu
- kiwen li pakala e ilo kipisi
jan pi sijelo sewi li sewi, anu li kama jo e nanpa pona.
sijelo ale li sewi tawa sijelo wan, li anpa tawa sijelo ante. ni la, sijelo ala li pona nanpa wan.
pona ona
[o ante | o ante e toki ilo]tenpo mute la jan li ilo e musi "kiwen en ilo kipisi en lipu" tawa pini e utala, anu tawa lawa e nasin kulupu.
nasin pali pi kiwen en ilo kipisi en lipu
[o ante | o ante e toki ilo]jan li kepeken luka li pali e kiwen anu ilo kipisi anu lipu lon tenpo sama.
kiwen ― palisa luka ale li lon insa luka
lipu ― palisa ale li lon ala insa luka, li lon poka pi ona sama
ilo kipisi ― palisa pi suli poka li nanpa wan la, palisa nanpa tu en palisa nanpa tu wan taso li lon ala insa luka.
kiwen
ilo kipisi
lipu
.png)
.png)
.png)
,_Japanese_rock-paper-scissors_variant,_from_the_Kensarae_sumai_zue_(1809).jpg)
tenpo pini
[o ante | o ante e toki ilo]musi ni li tan ma Sonko. jan pi ma Sonko li musi e ona lon tenpo mute. ni li sitelen lon lipu Usasu (toki Sonko la: 五雜組 (五雜俎))[1]. jan pi ma Sonko li pana e nimi Sosilin (toki Sonko la: 手勢令) anu 石头剪刀布 (tenpo ni) tawa musi ni[1]. tenpo pini la, jan pi ma Sonko li pana e ona tawa ma Nijon. nimi ona lon ma Nijon li Tsan Ken (toki Nijon la: じゃんけん) anu Intsan (toki Nijon la: いんじゃん) anu Sankenpon (toki Nijon la: じゃんけんぽん/jankenpon). ma ni la musi li kama sijelo pi tenpo lon, kin tenpo sike ale pi nanpa 20 pi open la musi ni li tawa ma ale[1]. toki Inli la, ona li Losanpo (toki Inli la: Roshambo)
sona namako
[o ante | o ante e toki ilo]- nasin utala ni li lon musi ante kin. musi Pokemon la, wawa seli li pakala pona e soweli kasi, taso wawa kasi li pakala pona e soweli telo, taso wawa telo li pakala pona e soweli seli.