musi To Pote

musi To Pote Dwarf Fortress
sitelen nimi pi musi To Pote
tenpo kama	sike suno nanpa 2006 pi sike mun nanpa 8 pi sike nanpa 8 sike suno nanpa 2022 pi sike mun nanpa 12 pi sike nanpa 6 (lon lipu Steam, lon lipu itch.io)
kulupu pali	kulupu musi Pe Tuwe
kulupu pana	kulupu musi Pe Tuwe kulupu musi Kipo (lon lipu Steam, lon lipu itch.io)
ken musi kepeken ilo ni	ilo Winto ilo Linu

musi To Pote (toki Inli la: Dwarf Fortress, "tomo suli pi jan wawa") li musi ilo tan kulupu musi Pe Tuwe (toki Inli la: Bay 12 Games). jan Tan Atan (toki Inli la: Tarn Adams) en jan Sa Atan (toki Inli la: Zach Adams) li pali e ona. ona li kama lon sike suno nanpa 2006 pi sike mun nanpa 8 pi sike nanpa 8. jan li ken musi e ona kepeken ilo Winto kepeken ilo Linu. jan li ken musi e ona kepeken ala mani.

lon sike suno nanpa 2022 pi sike mun nanpa 12 pi sike nanpa 6 la, nasin sin pi musi To Pote li kama lon lipu Steam lon lipu itch.io. lipu Steam en lipu itch.io la, kulupu musi Kipo (toki Inli la: Kitfox Games) li pana e musi. jan li wile musi e nasin ni la, ona li wile e mani. nasin ni li jo e sitelen sin e kalama musi sin.

nasin musi

ma pi musi To Pote.

open musi la, jan li pali e ma sin. lon ma ni la, jan li ken musi e nasin musi tu wan:

• nasin pi tomo suli (toki Inli la: Fortress): jan li lawa e kulupu pi jan wawa, li pali e tomo sin lon ma.
• nasin pi tawa suli (toki Inli la: Adventure): jan li lawa e jan wan. ona li ken tawa lon ma, li ken kama wawa.
• nasin pi sona wawa (toki Inli la: Legends): jan li ken lukin e sona mute e ijo mute lon ma.

jan li ken musi e nasin wan taso lon tenpo wan. nasin wan li pini la, jan li ken musi e nasin ante lon ma sama.

lipu ante

• lipu lawa pi musi To Pote
• musi To Pote lon lipu Steam