musi Tetasu
musi Tesi anu musi Tetasu (toki Losi la: Тетрис [ˈtʲetrʲɪs], "musi pi leko tu tu") li musi ilo tan jan Alexey Pajitnov. ona li pali e musi ni lon tenpo sike nanpa 1985. musi ni lon ilo musi mute.
musi Tesi la, jan li pali e linja supa kepeken leko Tetamino. leko ni li tawa anpa. linja supa li kama lon la, linja supa ni li kama weka li pana e nanpa pona. ni li ken e ni: jan li ken musi Tesi lon tenpo suli a. jan li pali e linja supa mute lon tenpo wan la, jan li kama jo e nanpa pona mute a.
jan mute a li musi Tesi. ona li pona a tawa jan mute a. musi Tesi li jo e jan musi mute nanpa tu. musi Tesi li lon nasin ilo musi 65 anu musi mute a. musi Tesi li ken ante e insa lawa jan. jan mute 520,000,000 li kama jo e musi Tesi.
nasin musi
[o ante | o ante e toki ilo]musi Tesi la, jan li tawa e leko Tetamino lon supa; taso, leko o kama anpa o kama sewi ala. jan li wile pali e linja supa tan ni: ni la, ona li kama jo e nanpa pona. taso, pali pi linja supa ala la, leko li kama poka tawa sewi. jan li pali la, linja supa li kama weka. jan li pali e linja supa mute la, jan kama jo e nanpa pona mute a. leko li kama sewi tawa supa la, musi li pini.
leko Tetamino mute
[o ante | o ante e toki ilo]
leko Tetamino luka tu li lon. ona ale li leko lili tu tu. nasin sitelen ni la ona li jo e nimi I, e nimi J, e nimi L, e nimi O, e nimi S, e nimi T, e nimi Z. jan li ken tawa sike li ken tawa poka e ona. jan li musi lon tenpo suli la, leko li kama tawa anpa kepeken tenpo lili. kule ni li meso; taso kule ante li lon tenpo pini.