musi Sutansu Keto
| musi Sutansu Keto musi Tan Ke Steins;Gate シュタインズ・ゲート Shutainzu Gēto | ||||||
|---|---|---|---|---|---|---|
 | ||||||
|
musi Sutansu Keto (toki Nijon: シュタインズ・ゲート, Shutainzu Gēto) anu musi San Ke (toki Tosi en toki Inli: Steins;Gate, "lupa tomo suli kiwen") li kulupu pi ijo musi. ona la, ilo musi en sitelen tawa musi en lipu musi li lon.
musi ilo ona li ilo pi nasin ni: jan li kepeken ona la, ona li pali lili, li lukin taso e sitelen nimi. ilo li sama lipu nimi. kulupu 5pb. (株式会社5pb.) en kulupu Nitolopulasu (toki Nijon: 株式会社ニトロプラス, toki Inli: Nitroplus Co., Ltd.) li pali e ona, li open pana e ona tawa jan lon tenpo sike nanpa 2009.[1] musi ni la, jan li ken ante e ni: musi li toki e seme. ijo lon musi li kama ante tan wile pi jan kepeken. jan li ken musi ni kepeken ilo ni: ilo Winto, en ilo Antowi, en ilo Ajose, en ilo Epa nanpa 360, en ilo Pulesuteson nanpa 3, en ilo Pulesuteson nanpa 4, en ilo Pulesuteson Potapulu, en ilo Pulesuteson Wita, en ilo Nintento Suwi.
sitelen tawa la, kulupu Owato Pokusu (株式会社WHITE FOX) li pali e ona lon tenpo sike nanpa 2011. kipisi MTT li lon.[2] lipu la, jan Salasi Jomi (さらちよみ, Sarachi Yomi) li pali e ona lon tenpo sike nanpa 2009. ona li open pana e lipu la, kulupu li open ala pana e ilo, li open lon tenpo kama.[3]
musi Sutansu Keto Selo (toki Nijon: シュタインズ・ゲート ゼロ, Shutainzu Gēto Zero, "musi Sutansu Keto nanpa ala") li kipisi nanpa tu pi musi ni. ijo musi la, tenpo ona li lon insa pi tenpo pi musi nanpa wan. musi ilo ona li kama lon tenpo sike nanpa 2015.[4] sitelen tawa ona li kama lon tenpo sike nanpa 2015.
musi ni la, jan Okape Lintalo (岡部倫太郎, Okabe Rintarō) li jan nanpa wan. ona en jan ante li pali e ilo nasa ni: ona li ken tawa e sona tawa tenpo pini. ilo ni la, ona li ante e tenpo pini e tenpo kama.
tan sona
[o ante | o ante e toki ilo]- ↑ lipu "想定科学ADV 「シュタインズ・ゲート」、ティザーサイト公開！" (lon toki Nipon). kulupu 5pb.. 2009-06-12. tenpo sin la, ona li lon ala, taso ona li awen lon ilo Internet Archive pi awen sona.
- ↑ lipu "STAFF / CAST STEINS;GATE公式サイト". lipu pi musi Sutansu Keto. ona li awen lon ilo Internet Archive pi awen sona.
- ↑ lipu "月刊コミックアライブ オフィシャルサイト／バックナンバー" (lon toki Nipon). lipu Media Factory. tenpo sin la, ona li lon ala, taso ona li awen lon ilo Internet Archive pi awen sona.
- ↑ jan Sawa Nekin (2015-03-28). lipu "Steins;Gate 0 Follow-Up Game & Anime Announced". kulupu Anime News Network.