musi Supalatun

musi Supalatun (toki Nijon: スプラトゥーン, toki Inli: Splatoon) li musi ilo tan kulupu Nintento. jan Isasi Nokami en jan Sintalo Sato li pali e ona. ona li kama lon tenpo suno nanpa 29 lon tenpo mun nanpa 5 lon tenpo sike nanpa 2015. jan li ken musi e ona kepeken ilo musi Wiju.

musi ni la jan kala li utala kepeken telo kule. jan kala ni li ken ante e sijelo ona lon wile. ona li jan la ona li ken kepeken ilo utala ona li ken pana e telo kule. ona li kala la ona li len li ken tawa lon insa pi telo kule ona.

kulupu Supalatun la, musi Supalatun nanpa tu en musi Supalatun nanpa tu wan li lon kin.

pilin pi jan ante

musi Supalatun li pona tawa jan mute. lipu Mesakisi^(?) li lukin e pilin pi jan 88. lipu Mesakisi li toki e ni: "nanpa 100 li pona nanpa wan la, musi Supalatun li nanpa 81 tawa jan ni."

lipu Asijen^(?) li toki e ni: "nanpa 10 li pona nanpa wan la, musi ni li nanpa 8.6 tawa mi."

lipu Pamisu^(?) li toki e ni: "nanpa 40 li pona nanpa wan la, musi ni li nanpa 36 tawa mi."