musi "kama sin pi ilo Opa Pin"
musi "kama sin pi ilo Opa Pin" (toki Inli: Return of the Obra Dinn) li musi ilo li tan jan Lukasi Popi li open lon tenpo sike nanpa 2018. musi la, ilo tawa telo Opa Pin li weka lon tenpo pini li kama sin lon tenpo lon. jan musi o alasa e kama pi jan ale.
musi
[o ante | o ante e toki ilo]ilo tawa telo Opa Pin li pali lon tenpo sike nanpa 1796. ona li tawa pini lon tenpo sike nanpa 1802. ona li kama ala lon ma Olijen li lukin weka. ona li kama sin lon tenpo sike nanpa 1807. tenpo sike nanpa 1807 li tenpo lon pi musi ni.[1] jan musi o alasa e kama pi jan ale. jan musi o kepeken ilo lili. ilo ni li ken lukin e tenpo moli pi ijo ale.[2] jan musi o lukin e ni kepeken ilo ni: jan li moli tan jan tan monsuta tan jaki li moli ala.
tenpo pini pi open musi
[o ante | o ante e toki ilo]jan Lukasi Popi li pali e musi ni. ona li pali kin e musi "o pana e lipu sina" (toki Inli: Papers, Please).[3] musi ni li open lon tenpo sike nanpa 2013.[4] jan Lukasi Popi li open e musi "kama sin pi ilo Opa Pin" pi pini ala lon tenpo sike nanpa 2016[3] li open e musi "kama sin pi ilo Opa Pin" pini lon tenpo sike nanpa 2018.[2]
tenpo kama pi open musi
[o ante | o ante e toki ilo]jan mute li toki e ni: musi "kama sin pi ilo Opa Pin" li pona mute.[2][5][6][7]
tan sona
[o ante | o ante e toki ilo]- ↑ jan Lukasi Popi ([[toki Inli]]: Lucas Pope). lipu ilo ni [Return of the Obra Dinn] (lon toki Inli).
- 1 2 3 lipu ilo ni [GOTY 2018: #2 Return of the Obra Dinn] (lon toki Inli). 2018-12-20.
- 1 2 lipu ilo ni [Papers, Please creator Lucas Pope details his next game] (lon toki Inli). 2017-08-15.
- ↑ lipu ilo ni [Lucas Pope on life after Papers, Please] (lon toki Inli). 2017-11-02.
- ↑ lipu ilo ni [The 10 Best Video Games of 2018] (lon toki Inli). 2018-12-17.
- ↑ lipu ilo ni [Why Return of the Obra Dinn is my game of the year] (lon toki Inli). 2018-12-21.
- ↑ lipu ilo ni [The 100 greatest video games of all time, ranked by experts] (lon toki Inli). 2023-05-10.