musi Pota

sitelen pi musi Pota

musi Pota (toki Inli la: Portal) li musi ilo tan kulupu Walu (toki Inli la: Valve). musi ni la, jan musi li kepeken e ilo lupa li pana e lupa tu lon sinpin. jan li tawa lupa wan la jan li kama tan lupa ante. nasin ni la, jan li wile kama tawa pini pi tomo mute.

jan li tawa lupa laso (lon supa) la, ona li kama tan lupa loje (lon sinpin). ona li tawa lupa la, wawa tawa li weka ala. jan li tawa wawa tawa lupa laso la, ona li kama tan lupa loje la, wawa pi tawa ona li awen sama.