musi Osu
musi Osu (osu!) li musi ilo kalama. nasin ona nanpa wan la la jan li luka e sike mute lon nasin tenpo kalama. jan Sin Kepe (toki Inli la: Dean Herbert) (anu jan Pepi (peppy)) li open e pali ona lon sike nanpa 2007 li pana e musi tawa ilo Winto. tenpo lon la musi li ken lon ni kin: ilo Makowe en ilo Linu en ilo Antowi en ilo Ajowe. nasin en nimi li kama tan musi Osu Tatakawe Owentan (toki Nijon la: Osu! Tatakae! Ouendan).
nasin musi
[o ante | o ante e toki ilo]nasin tu tu li lon musi Osu. nasin ale la jan o moku e ijo kepeken nena lon nasin tenpo kalama la ona li kama jo e nanpa. nanpa suli li pona. nanpa ante li suli e nanpa kama. nanpa ante ni li kama suli lon moku li kama ala lon moku ala anu moku pakala. linja wawa kin li lon sewi. wawa li kama tan moku li weka tan tenpo tan moku ala. wawa ale li weka la musi li pini pakala.
.svg)
nasin suli (osu!) li tan musi Osu Tatakawe Owentan. sike li kama li jo e sike selo lon weka. selo li kama lili li kama pilin e sike insa la jan o luka e ona lon tenpo ni. linja li lon la jan o awen luka e ona o tawa lon linja lon tenpo wile. sike suli nasa li lon la jan o sike wawa e luka. wawa li mute la nanpa namako li kama.
nasin kule (osu!taiko) li tan musi Tako no Tasusin (toki Nijon la: 太鼓の達人 Taiko no Tatsujin). sike loje en sike laso li kama lon linja wan. nena tu tu li lon. nena insa tu li moku e sike loje. nena selo tu li moku e sike laso. sike li suli la jan li kepeken nena tu lon tenpo sama la nanpa namako li kama. linja jelo la nena ale li ken. sike nasa la jan o nena insa o nena selo o ni sike. nasin ni la linja wawa li jo ala e wawa lon open. wawa li weka ala. jan li kama jo ala e wawa pona la musi li pini pakala.
nasin kili (osu!catch) li tan musi Isitusise (EZ2DJ). kili li kama tan sewi. jan li tawa kepeken nena o jo e ona lon supa. nena pi tawa wawa li lon. kin kili kama li lon weka la kili li loje li wawa namako e tawa. sike nasa li kama kili mute a. jan li ken moku ala e ona lon wile, taso ona li suli e nanpa.
nasin nena (osu!mania) li sama musi Pitomanija (toki Inli la: beatmania, toki Nijon la: ビートマニア) li sama musi mute ante. ijo li kama tan sewi lon linja mute. (tenpo mute la linja tu tu anu linja luka tu li lon.) linja wan la nena wan li lon. ijo li kama lon anpa la jan o luka e nena. ijo li linja la jan o awen luka e nena o weka e luka lon pini linja.
jan li ken pali e lipu musi tawa nasin pi wile ona. jan li pali tawa nasin suli la jan ante li ken musi lon nasin ale. ante la nasin pali taso li ken.