musi Manka
musi Manka (toki Inli la: Minecraft, "pakala kiwen, pali ijo") li musi ilo tan kulupu Mojen pi ma Sensa. jan Mako "Nosi" Pason (Markus "Notch" Persson) en jan Jen "Se" Pekensen (Jens "Jeb" Bergesten) li pali e ona kepeken toki ilo Sawa. musi ilo ale la musi Manka li musi pi esun nanpa wan. jan mute li musi e ona lon tenpo mun ale.
nasin musi
[o ante | o ante e toki ilo]musi la jan li tawa lon ma pi pini ala. ona li ken alasa e ijo li ken pali e ilo li ken pali e tomo. soweli en kala en pipi li lon tenpo suno. tenpo pimeja la monsuta mute li kama. jan li ken utala e ona li ken kama jo e ijo tan ona. sama la jan li ken musi lon poka pi jan ante.
nasin pi jan ma
[o ante | o ante e toki ilo]nasin pi jan ma la, jan musi li ken utala e monsuta mute. ona li wile moku. sijelo ike la ona li moli. jan musi li ken pali e mute. taso pini musi la jan li wile moli e akesi kon pimeja suli pi ma End.
nasin pi jan sewi
[o ante | o ante e toki ilo]nasin pi jan sewi la, jan musi li jo e ijo ale. ona li ken pakala e leko ale li ken tawa sama waso li ken ala moli. ona li ken pali li ken alasa tan ni.
nasin pi jan pi lon wan taso
[o ante | o ante e toki ilo]nasin ni li sama nasin pi jan ma. taso, sina jo e lon wan taso. sina ken ala jo e lon kin. sina moli la sina ken lukin taso e ma sina. suli ike musi li awen ike mute.
sitelen tawa
[o ante | o ante e toki ilo]tenpo sike nanpa 2025 la sitelen tawa pi musi Manka li kama.