musi Entasenpa
musi Entasenpa (toki Inli la: Antichamber) li musi pi ilo nanpa. jan li kama ken musi ni lon tenpo sike nanpa 2013.[1]
jan Alesante Pusu (Alexander Bruce) li pali e ona. nimi musi la, ona li jan Tenlu (Demruth). jan Sitata Panku (Siddhartha Barnhoorn) li pali e kalama musi.
jan li ken musi ni kepeken ilo Winto, kepeken ilo Makinto, kepeken ilo Linu. open la, ilo Winto taso li ken; tenpo sike nanpa 2014 la, musi li kama ken lon ilo ante tu. jan li ken kama jo esun e musi ni kepeken lipu Steam.
nasin musi
[o ante | o ante e toki ilo]musi ni la, jan li lukin e ijo sama ni: oko ona li sama oko pi jan pi lon musi.[2]
musi Entasenpa li jo e nasin ma nasa. tenpo sama la, tomo tu li ken lon ma sama, tomo wan li ken lon ma tu. jan pali li wile e ni: jan li pilin nasa tan sona ala, li kama sona suli, li kama pilin wawa.[2] jan li kama wile lon tomo tu, lon ma tu, li kepeken ken ni.
open musi la, jan li lon tomo open (toki Inli la: antechamber). tomo ni li jo e sinpin tu tu. sinpin wan la, ona li ken lukin e sitelen ma pi tomo ale ni: ona li lon ona lon tenpo pini. jan li lon tomo open la, ona li ken tawa tomo ante ale kepeken sitelen ma. ale la, jan li luka e nena ilo Esc la ona li tawa tomo open. sinpin wan ante la, ona li ken ante e nasin musi, e nasin pi ilo lukin, li ken lukin e nanpa tenpo. nanpa tenpo li toki e ni: sina ken musi ni lon tenpo Sekun 5400 taso. sinpin wan ante la, jan li ken lukin e sitelen lili pi nasin luka, e toki sona nasa. jan li ken lukin e sitelen sin lon tomo ante la, sitelen li kama lon tomo open. sinpin ante la, jan li ken lukin e tomo ante. tomo ante ni la, lupa li lon sinpin. sitelen li lon poka lupa li toki e ni: lupa ni la musi li pini.
leko kule li lon tomo mute. jan li kama jo e ilo ni: ona li ken poki e leko, li ken pana e ona. kepeken ilo la, jan li ken tawa e leko li ken tawa tomo ante kepeken ona. ilo tu tu li lon; ona li jo e kule ante e ken ante. jan li kama jo e ilo sin la, ale la ilo sin li jo e ken pi ilo majuna, e ken ante. sinpin nasa ni li lon: ona li weka e leko ale tan ilo.
lipu ilo
[o ante | o ante e toki ilo]tan sona
[o ante | o ante e toki ilo]- ↑ lipu ilo pi musi Entasenpa. ona li awen lon ilo Internet Archive pi awen sona.
- 1 2 tenpo sike nanpa 2011 la, jan Sipen Tosilo la, kulupu Kotaku la, lipu "8 1/2 Minutes of Antichamber My Favorite Game of PAX 2011. It's 'First-Person Escher". ona li awen lon ilo Internet Archive pi awen sona.