musi Ekesisi

poki sitelen tan musi Ekisisi

musi Ekesisi (toki Inli la xkcd) li musi sitelen lon ilo sona kepeken toki Inli. jan Wanta Muno li open e ona lon tenpo sike nanpa 2005. toki ona la musi li toki "lon olin, lon musi, lon nanpa, lon toki". nimi ona li tan ala.

ona li musi tan nasin sona, tan pali pi ilo sona, tan nanpa, tan musi kulupu. sitelen la jan ona li jan palisa. sitelen ona la pimeja en walo li kule taso lon tenpo mute.

jan Wanta Muno li pali e lipu luka wan tan musi Ekesisi. lipu nanpa wan li lipu "Ekesisi nanpa ala" (toki Inli la xkcd volume 0), li pana lon tenpo sike nanpa 2010. tenpo sike nanpa 2014 la ona li pana e lipu "la seme?" (What If?). tenpo sike kama la ona li pana e lipu "ijo sona" (Thing Explainer). tenpo sike nanpa 2019 la lipu "la seme?" nanpa tu li kama lon.