mun suno mi

mun Sola (toki Lasina la: Sol) anu mun suno mi anu suno mi li mun seli lon insa pi kulupu mi pi mun sike. ona li pana e suno e seli e wawa tawa sike ma tawa mun ante.

ona li sike pi kon suno^(?). insa pi wan ijo^(?) li kama wan li pali e wawa mute lon insa pi mun suno mi. mun mute li sike e ona lon kulupu mi pi mun sike. sike ma li mun li poka nanpa tu wan tan mun suno mi. suno li mama wawa pi suli nanpa wan lon poka mi.

lukin jan lon selo ma la, suno li sike suli lon sewi. selo kon la, suno li ken jelo lukin. tenpo pi open suno pi pini suno la, suno li ken loje lukin. suno li tawa sewi lon open suno li tawa anpa lon pini suno. tenpo suno la, jan li ken lukin e suno. tenpo pimeja la, jan li ken ala lukin e suno. suno li kama li weka la, tenpo suno wan li tawa. tenpo sike li jo e tenpo suno pi mute 365.24.