mun sike

mun sike li jo e sijelo pi sama sike, li sike e mun seli anu mun pi pini seli anu mun seli pimeja^(?), li mun tu wan ni ala.

kepeken kon nimi pi lili nanpa wan la, mun sike LTW₍₈₎ li lon kulupu mi pi mun sike. ona li ni:

mun sike insa:
- mun Mekuli
- mun Wenu
- mun Tela
- mun Masi
mun sike selo:

jan mute la, mama pi mun sike li sama ni: tenpo pini la, mun sike li kama tan kiwen lili. kiwen lili ni li kama wan lon tenpo mute pini. kiwen lili ni li kama kiwen suli li kama suli. ni la, mun seli en mun sike insa en mun suli selo li kama lon. sike ma li mun sike.

kon nimi

toki Inli en toki ante mute la, mun sike li sama ijo Planet (toki Elina la: πλανήται planḗtai, "jan tawa").

tenpo pini weka

tenpo open la, ijo Planet li toki e mun ni lon sewi: mun li tawa, sama mun seli ala. jan li lukin e sewi la, mun mute li lili (tawa lukin) li tawa sama. taso, mun pi mute ala li tawa ante. ona li ijo Planet. ni la, mun Mekuli en mun Wenu en mun Masi en mun Jupite en mun Satunu li ijo Planet. mun suno mi en mun poka mi li ijo Planet kin tawa ona.

tenpo pini poka

tenpo pini weka la, jan mute li pilin e ni: mun ale li sike e ma. taso, tenpo pini poka la, jan li kama sona e ni: mun li sike ala e ma. sijelo ma li sike taso. ma li sike e mun suno mi. mun poka mi li sike e ma. ijo Planet ante li sike e mun suno mi. ni la, mun suno mi en mun poka mi li kama ijo Planet ala.

sin la, jan li kama sona e mun Ulanu e mun Netunu e mun Puto, li nimi pi ijo Planet e ona. ni la, tawa jan mute la, ijo Planet li kama sama ni: mun li suli pona, li sike e mun suno mi.

tenpo sin

kulupu Ijeju la, mun li ni la, mun li mun sike:
1. ona li sike e mun suno mi
2. sijelo ona li sike anu sama sike
3. nasin sike ona li pona li jo ala e ijo ante

kon pi tenpo sin li kama tan ni: tenpo pini la, mun Puto (toki Lasina la: Pluto) li mun sike. taso, jan li kama lukin e mun mute sama mun Puto. mun Puto li mun sike la, mun ni ale li mun sike kin. mun sike pi kulupu mun mi li wile kama mute mute. ni la, kulupu Ijeju (IAU) li pana e kon pi nimi ni. kepeken kon ni la, mun Puto en mun sama li mun sike ala, tan ni: nasin sike ona li jo e ijo ante.

taso, ike li lon kon ni: o lukin e lawa nanpa wan. wile pi kulupu Ijeju la, mun sike o sike e mun suno mi. ni la, kepeken kon ni la, mun sike 8 taso li lon ale ale mi. ni li nasa tawa jan mute. lon la, jan mute pi sona mun li kepeken kiwen ala e kon ni. mun li sike e mun seli ante li suli sama mun sike la, ona li mun sike kin tawa jan mute.