mun Jupite
suno mi la, mun Jupite anu mun Jowi (toki Lasina: .svg){kind=small}
Iūpiter anu Iovis, "mama pi kon sewi") li mun nanpa luka. kulupu suno la, ona li suli mute. ona li kon taso li jo ala e ma kiwen.
kon ona li lete. taso, insa ona li seli mute. ma la, mun Jupite li suno lukin. taso, mun Jupite li pali ala e suno sin. sike loje suli li lon selo ona. suli pi sike ni li sama ma tu wan. nimi pi mun Jupite li sama e jan sewi lawa pi nasin sewi Loma.
mun pi mun Jupite
[o ante | o ante e toki ilo]
jan li sona e mun 115 pi mun Jupite. mun lili mute li sike e mun Jupite. mun mute li lili mute. taso, mun tu tu li suli.
mun suli sike 4 li sike e mun Jupite. nimi ona li mun Elopa, li mun Kanimi, li mun Kaliso, li mun Ijo. jan Kalijejo Kalili li kama sona e mun suli sike pi mun Jupite. mun suli sike pi mun Jupite li kulupu mun Kalilejo.[1]
tenpo mun pi mun Kaliso li tenpo mun tu pi mun Kanimi. tenpo mun pi mun Kanimi li tenpo mun tu pi mun Elopa. tenpo mun Elopa li tenpo mun tu pi mun Ijo.[2]
mun 4 li poka e mun Jupite. supa pi mun Jupite la suli tawa li lili.[3]
mun li sike sewi lon sike 28° la ona li kulupu mun Imalija.[4]
mun li sike ante lon poka mun Ananke la ona li mun pi kulupu mun Ananke. mun li sike ante lon poka mun Pasipe la ona li mun pi kulupu mun Pasipe. mun li sike ante li sike sewi lon sike 165° la ona li mun pi kulupu mun Kame.[5]
mun ala li poka e mun Semiso e mun Paletuto.[4]
| nanpa | nimi | suli
(km)[6] |
suli tawa pi mun Jupite
(km)[7] |
kulupu |
|---|---|---|---|---|
| 16 | mun Mesi | 43.4 | 128,000 | sike insa |
| 15 | mun Ataseja | 16.5 | 129,000 | sike insa |
| 5 | mun Amateja | 167.2 | 181,366 | sike insa |
| 14 | mun Sipi | 98.5 | 221,889 | sike insa |
| 1 | mun Ijo | 3,642.6 | 421,700 | kulupu mun Kalilejo |
| 2 | mun Elopa | 3,121.6 | 670,900 | kulupu mun Kalilejo |
| 3 | mun Kanimi | 5,268.2 | 1,070,400 | kulupu mun Kalilejo |
| 4 | mun Kaliso | 4,820.6 | 1,882,700 | kulupu mun Kalilejo |
| (mun mute pi sike nasa) | ||||
tan sona
[o ante | o ante e toki ilo]- ↑ Robert T. Pappalardo, William B. McKinnon, Krishan K. Khurana (2009). Europa. The University of Arizona space science series. University of Arizona press. lukin lipu li lon tenpo 2026-07-03.
- ↑ Allard Veenstra, Quirijn van Woerkom, Alessandra Marzolini, Sam Fayolle, Valerio Filice (2026-05-11). "1". Good vibrations: Exploring how orbital resonance shapes the Galilean moons (lon toki Inli). Nature Communications. 17. lukin lipu li lon tenpo 2026-07-03.
- ↑ Ian R. Brunton, Konstantin Batygin (2025-09-20). "15". On the Origin and Dynamical Evolution of Jupiter’s Moon Amalthea. The Astrophysical Journal. 991. lukin lipu li lon tenpo 2026-07-03.
- 1 2 Tommy Grav, Matthew J. Holman, Brett Gladman, Kaare Aksnes (2003). Photometric Survey of the Irregular Satellites. lukin lipu li lon tenpo 2026-07-03.
- ↑ Scott S. Sheppard, David C. Jewitt (2003-05). "261–263". An abundant population of small irregular satellites around Jupiter (lon toki Inli). Nature. 423. lukin lipu li lon tenpo 2026-07-03.
- ↑ Scott S. Sheppard - JupiterMoons (lon en-US). lukin lipu li lon tenpo 2026-07-03.
- ↑ Planetary Satellite Mean Elements. lukin lipu li lon tenpo 2026-07-03.