mu pini pi nena kon

sona pi mu toki la, mu pini pi nena kon li mu pini pi nasin ni: sewi uta ko o kama anpa. ni la, kon li wile tawa weka tan sijelo, kon li ken ala tawa lon uta, li wile tawa lon nena kon.

toki pona la, mu [m] en mu [n] en mu [ŋ] en mu [ɲ] li kepeken nasin ni. lon la, mu [ŋ] en mu [ɲ] li jo ala e sitelen lon toki pona. taso, jan li mu [ŋ] tan ni: ona li mu [n] lon poka pi mu [k], sama "musi Manka", sama "ma Sonko". ante la, jan li mu [ɲ] tan ni: ona li mu [n] lon poka pi mu [j], sama "linja" anu "mama Sonja".