mu Wilen
mu Wilen li kalama namako pi kepeken sike(?) lon sitelen tawa suli mute, lon musi mute pi sitelen tawa weka, lon musi ante kin, li kama tan ni: jan Sepi Wali(?) li mu lon sitelen tawa "poki weka"(?) pi tenpo sike #LLLTTAMMLLW(1951). mu ni li kalama lon ni: jan li kama pakala tan ilo utala weka, anu tawa anpa tan sewi mute, anu kama weka tan pakala wawa kon. nimi “mu Wilen” li kama tan jan Pawa Wilen (toki Inli la: Private Wilhelm). ona li jan lon insa pi sitelen tawa "utala pi telo linja Peta"(?). sitelen tawa ni li kama lon tenpo sike #LLLTTAMMLLTW(1953). sitelen tawa ni la, palisa alasa li kama tan weka tawa sewi noka jan la, kalama ni li lon. ni li kepeken ona pi tenpo nanpa tu wan lon ale, li kepeken ona pi tenpo nanpa wan lon pini pi tenpo ni: kalama ni li kama tawa kulupu kalama pi kepeken sike tan kulupu Wanapo(?). sitelen tawa "utala mun" ale en sitelen tawa "jan Insijana Son"(?) ale li kepeken mute e mute ni lon tenpo ni: kulupu Sinsi li jo ala e kulupu Lukapin(?).