monsuta jan moli

kulupu pi monsuta jan moli tan sitelen tawa tenpo pimeja pi jan moli tawa tan jan Jo Lomelo

monsuta jan moli anu monsuta Sonpi (toki Konko la: nzambi anu zumbi) li monsuta pi lon ala. ona li sijelo tawa pi jan moli. open la, monsuta ni li tan nasin sewi Wotun.

nimi "monsuta Sonpi" li tan toki Konko. nimi Sonpi li tan nimi "nzambi" (sewi) anu nimi "zumbi" (ijo sewi). ma pi pini suno li kama toki e nimi ni lon tenpo sike 1819 tan jan Lope Sosi. lipu ma pi kon nasa (The Magic Island) tan jan Wilijan Sipu li kepeken open e monsuta ni.

open la, nasin pi monsuta jan moli li ante tawa nasin ona pi tenpo ni. nasin ona pi tenpo ni li tan sitelen tawa tenpo pimeja pi jan moli tawa (Night of the Living Dead) tan jan Jo Lomelo. monsuta jan moli li lon sitelen tawa mute. ona li lon sitelen tawa open pi jan moli (Dawn of the Dead) li lon sitelen tawa kama sin pi jan moli tawa (Return of the Living Dead). sitelen tawa kama sin pi jan moli tawa li kama e ni: monsuta moli li moku e insa lawa jan. kalama musi Sila (Thriller) tan jan Make Sakeson li kepeken e monsuta ni.

musi ilo Pajowasato (バイオハザード, Baiohazādo) en musi ilo tomo pi jan moli (House of the Dead) li musi ilo suli tan kulupu pi tenpo sike 1990. sitelen tawa jan moli tawa (The Walking Dead) li kulupu pi sitelen tawa suli. sitelen tawa la monsuta jan moli li pini e ma.